Fota: vayar.mil.by
«Ukrainskija, a paśla i biełaruskija ŚMI stali razhaniać infarmacyju ŭkrainskaha Hienštaba, što nibyta 13000 biełaruskich vajskoŭcaŭ padpisali zhodu na ŭdzieł u vajnie va Ukrainie. Raźviedka dałažyła.
A ja voś dumaju — što heta takoje raptam u lesie mahło zdochnuć, što ŭ nas vajskoŭcaŭ apytvali b i pytalisia na heta zhody? Pry našaj to ciapierašniaj amal tatalitarnaj sistemie? I raniej dziesiacihodździami nikoli nikoha nie pytalisia, a rašeńni prymaŭ adzin čałaviek. A z čaho tut raptam demakratyja namalavałasia, dy jašče ŭ śfiery, dzie i ŭ demakratyčnych krainach jana abmiežavanaja?
Vielmi nie ŭ styli takich režymaŭ, jak naš, rabić apytańni ŭ tych vypadkach, dzie možna abyścisia prosta zahadami. Kali ŭ takich sistemach pra niešta niekaha i «pytajucca», to tolki demanstratyŭna-pakazušna, nakštałt prymusovaha zboru prafsajuzami podpisaŭ ad rabočych suprać sankcyj ci «refierendumu» pa źmienie Kanstytucyi. Kab paśla ŭ hetyja pry dapamozie administracyjnaha resursu zdabytyja vyniki demanstratyŭna tycnuć nosam mižnarodnuju supolnaść i vydać ich za hołas naroda. Voś, maŭlaŭ, nie my, a narod naš hetaha choča, my ž tolki jahonyja słuhi.
A 13 000 patajemna nibyta sabranych podpisaŭ vajskoŭcaŭ — ci jak tam afarmlałasia ichniaja zhoda — čamu musiać słužyć? Pakazać ich Pucinu i skazać, što my hatovyja i rviomsia ŭ boj? Pucin što, biez zhody samich vajskoŭcaŭ suprać uciahvańnia biełaruskaj armii ŭ vajnu? Chiba ŭ Rasii ciapierašniaj niekaha nadta pytajucca pierad tym, jak hnać na ŭboj? To jakaja Pucinu i ŭ biełaruskim vypadku sprava da zhody-niazhody kahości, aprača Łukašenki?
Druhi ž bok, Ukrainu i Zachad, režym nibyta ŭ zusim advarotnym pierakanać choča — što «my, biełarusy, mirnyja ludzi», i zdymajcie za heta sankcyi. U hetym kantekście podpisy vajskoŭcaŭ kali i treba, to za zusim advarotnaje.
To što tady, treba pavieryć, što režym pravodzić apytanki čysta dziela lubovi da sacyjałohii? Bolš vierycca ŭsio ž u toje, što ŭkrainski Hienštab nie pieršy ŭžo raz niešta ŭ acency biełaruskich realij nabłytaŭ», — piša Alaksandr Paškievič.
