Anatol Čapiha i Alaksandr Miškin u čas intervju RT
Śledčyja dakazali, što vybuchi arhanizavała rasijskaja vajskovaja vyviedka, a vykanaŭcami byli ahienty Anatol Čapiha i Alaksandr Miškin, jakija taksama ažyćciavili zamach u Sołśbiery ŭ Vialikabrytanii, piša BBC.
«U svaim zaklučeńni NCOZ ustalavaŭ, što rasijskaja vajskovaja vyviedka była datyčnaja da arhanizacyi vybuchaŭ i hibieli češskich hramadzian, uklučajučy toj fakt, što heta była nie adzinaja padobnaja akcyja, a častka realizacyi prahramy doŭhaterminovaj padryŭnoj dziejnaści rasijskaj vajskovaj vyviedki na terytoryi Jeŭrapiejskaha Źviazu i Ukrainy», — havorycca ŭ pres-relizie.
Rasija, jak skazana ŭ paviedamleńni, nie supracoŭničaje z češskimi pravaachoŭnymi orhanami i nie vydaje padazravanych dla kryminalnaha pieraśledu.
Vybuchi na składach bojeprypasaŭ va Vrbiecicy adbylisia ŭ kastryčniku i śniežni 2014 hoda. U vyniku zahinuli dva čałavieki ź liku piersanału.
U 2021 hodzie češskaja palicyja zajaviła, što abviaściła ŭ vyšuk dvaich mužčyn z rasijskimi pašpartami, vydadzienymi na imia Rusłana Bašyrava i Alaksandra Piatrova. Hetych ža ludziej ułady Brytanii nazyvali kadravymi supracoŭnikami HRU i abvinavačvali ŭ datyčnaści da zamachu na Siarhieja Skrypala i jahonuju dačku Juliju ŭ Sołśbiery.
Uvosień 2018 hoda prajekt Bellingcat i vydańnie The Insider apublikavali rasśledavańnie, zhodna ź jakim sapraŭdnaje imia Bašyrava — Anatol Čapiha, a Piatrova — Alaksandr Miškin.
U Kramli dačynieńnie supracoŭnikaŭ HRU da vybuchaŭ na składach u Čechii i atručvańnia Skrypaloŭ admaŭlajuć.
Čytajcie taksama:
ŚMI: Za rassyłańniem bombaŭ pa pošcie ŭ Ispanii staić HRU
Pamiatajecie Čapihu-Bašyrava? Jaho znajšli na fota ź viasiella dački hienierała HRU
Ci "u Vrbiecicy", jak "u Varšavie", ci "va Ŭrbiecicy" jak "va Ŭrocłavie"