Asudžany na źniavoleńnie
Dvoje maładych ludziej: «Prasavali jaho, bili — heta sto pracentaŭ. Čałaviek stajaŭ za svabodu — i prašeńnie? Jany ž usie admaŭlalisia, bo kali jon padpisvaje prašeńnie, jon admaŭlajecca ad svajoj idei. Jaho ž pasadzili naohuł ni za što, jaho treba vyzvalić».
Mužčyna: «Ja dumaju, što jamu tam stała nievynosna. Pratryvaŭ hod i zrazumieŭ, što heta ŭsio biessensoŭna.
Spadziavaŭsia, što ŭłady pojduć na niejkaje razumnaje rašeńnie pytańnia,ale ž prezident, my viedajem, stajaŭ na pazicyi, što vyrašaje nie jon, a sud. Ja dumaju, što ciažka čałavieku było, žyćcio ž nam dajecca adzin raz».
Mužčyna stałaha vieku: «Nie viedaju. Adkul ja mahu viedać? A što, jon ciapier jašče ŭ turmie? Nu, mnie zdajecca, jon jaho pamiłuje».
Mužčyna: «Značyć, pryznaŭ svaju vinu. Kali b nie napisaŭ toje, tady nie pryznaŭ. Značyć, u niečym vinavaty».
Karespandent: «Ci dapuskajecie vy, što na jaho mahli cisnuć u turmie?»
Mužčyna: «Nie, naŭrad ci. Heta ž nie prosty kryminalnik, heta ŭsio ž palityčnaje pytańnie».
Mužčyna: «Napeŭna, jaho tam mocna zacisnuli.
Stvaryli takija ŭmovy isnavańnia, što ŭ jaho nie było inšaha vyjścia.
Małady čałaviek:
«Kali nichto nie bačyŭ prašeńnia, to nie fakt, što jano jość.A voś kali jaho niechta pabačyć, to možna budzie razvažać, a pakul heta tolki čutki».
Mužčyna: «Moj spadzieŭ u palitycy — heta na Boha. Spraviadlivaść prychodzić ad Boha, jaje nie zaŭždy možna atrymać ad ludziej».
Junak: «Mahčyma, jon sprabuje niejkim čynam adnavić i pasprabavać praciahnuć dalej svaju dziejnaść».
Mužčyna: «Ciažka ŭ turmie, tym bolš jon čałaviek adukavany, zrazumieła, choča pažyć narmalnym žyćciom. Ja miarkuju, što jon paškadavaŭ, što vyłučaŭsia kandydatam».
Mužčyna: «Ja na hety kont nie chaču razvažać.
Praŭdy my pakul nie viedajem.Z boku prezidenta moža być praŭda, a moža być praŭda ź inšaha boku. Što da nacisku, to, miarkuju, jaho nie było. Kolki ja ni saču za našymi palitykami, to ŭ mianie takoje adčuvańnie składajecca, što jany ź`iaŭlajucca pierad vybarami».
Mužčyna:
«Treba siabie pastavić na jaho miesca. Adrazu tak havaryć nielha, što ź im adbyvałasia za začynienymi dźviaryma.Razvažać i prosta adsiabiacinu nieści — heta nie sprava. Treba mieć fakty».
