Paśla pačatku poŭnamaštabnaha ŭvarvańnia Rasii va Ukrainu biełarusy vystupili za našu niezaležnaść, bo ličać, što takim čynam jany taksama vybirajuć svabodu dla ŭłasnaj dziaržavy. Naturalna, što ŭ Dzień Voli 25 sakavika 2022 hoda bataljon imia Kastusia Kalinoŭskaha, jaki nosić imia nacyjanalnaha hieroja Biełarusi, uvajšoŭ u skład Uzbrojenych Sił», — napisana na sajcie muzieja.
Zaraz u Nacyjanalnym muziei historyi Ukrainy prachodzić mini-vystava, pryśviečanaja biełaruskamu patryjotu Mirasłavu Łazoŭskamu.
Mirasłaŭ Łazoŭski naradziŭsia ŭ Minsku 10 lipienia 1972 hoda. Skončyŭ Biełaruski nacyjanalny techničny ŭniviersitet. U 1995 hodzie ŭstupiŭ u «Sajuz biełaruskich vajskoŭcaŭ». U tym ža hodzie jon staŭ adnym z zasnavalnikaŭ spartova-patryjatyčnaj arhanizacyi «Bieły lehijon», jakaja dziejničała ŭ Biełarusi da pačatku 2000-ch hadoŭ i zajmałasia vychavańniem i navučańniem moładzi. U 2013 hodzie Mirasłaŭ zasnavaŭ knižnuju sieryju «Biełaruś u vojnach» dla raspaŭsiudžvańnia navukovych i papularnych vydańniaŭ pa historyi Biełarusi. Paśla maštabnych paślavybarčych pratestaŭ suprać uładaŭ u Biełarusi ŭ 2020 hodzie Mirasłaŭ pierajechaŭ va Ukrainu.
25 červienia 2023 h. ukazam staršyni Rady BNR u vyhnańni Mirasłavu Łazoŭskamu paśmiarotna prysvojena zvańnie kavalera Ordena Žaleznaha Rycara.
Čytajcie taksama:
Va Ukrainie nazvali vulicu ŭ honar Mirasłava Łazoŭskaha, jaki zahinuŭ u Bachmucie
«Hieroj Biełarusi, jaki zahinuŭ u Bachmucie». Vyjšaŭ film da 50-hodździa Mirasłava Łazoŭskaha
