12-hadovaja Jana z Kramatorska prabiehła Bostanski marafon na pratezach. Dziaŭčynka pazbaviłasia abiedźviuch noh nižej za kalena ŭ krasaviku 2022 hoda padčas rakietnaha ŭdaru rasijskich vojskaŭ pa vakzale ŭ Kramatorsku, piša «Nastojaŝieje vriemia».
Jana vyrašyła paŭdzielničać u marafonie, kab sabrać hrošy na dapamohu sałdatu USU, jaki straciŭ nahu na froncie. Za try dni jana atrymała 15 000 dalaraŭ achviaravańniaŭ.
Padrychtoŭku da Bostanskaha marafona dziaŭčynka pačała bolš čym za dva miesiacy da padziei. Jana treniravałasia čatyry razy na tydzień: dvojčy ŭ Nacyjanalnym reabilitacyjnym centr, i jašče dva — na stadyjonie «Dynama» ŭ Lvovie.
«Ja pieražyła vielmi ciažkija momanty i ciapier rada, što mahu chadzić i biehać. Viadomy amierykanski pratezist Piter Harš padaryŭ mnie biehavyja pratezy, i z taho momantu ja znoŭ palubiła bieh. Praz tydzień u mianie budzie pieršy marafon, ale ŭ mianie kłasnyja reabilitołahi i treniery, jakija zajmajucca sa mnoj i prymušajuć pracavać.
Mianie padtrymlivaje maja siamja: maja mama, brat, plamieńnica, siastra. Pierad Bostanskim marafonam na piać kiłamietraŭ, ja krychu chvalujusia, ale vieru, što ŭ mianie ŭsio atrymajecca, i ja chaču być prykładam dla inšych ludziej», — raspaviadała Jana padčas adkrytaj treniroŭki.
Siamja junaj marafonki paciarpieła padčas rasijskaha rakietnaha ŭdaru pa čyhunačnym vakzale Kramatorska 8 krasavika 2022 hoda. Tady pa stancyi, na jakoj znachodziłasia bolš za 4 tysiačy čałaviek, jakija čakali evakuacyi, vypuścili rakietu «Kropka-U» z kasietnymi bojeprypasami. Tady zahinuli 57 čałaviek.
Čytajcie taksama:
Brytaniec hod bieh praz usiu Afryku, kab spravicca z ałkahalizmam
pamiataju ich historyju - https://meduza.io/feature/2022/08/07/posle-udara-po-vokzalu-v-kramatorske-11-letnyaya-yana-poteryala-dve-nogi-ee-mama-odnu-vo-vremya-reabilitatsii-v-ssha-oni-poluchili-protezy-i-seychas-zanovo-uchatsya-hodit
"Pośle okončanija rieabilitacii siemja sobirajetsia viernuťsia v Ukrainu, hdie, oni nadiejutsia, užie zakončitsia vojna."
na žal (