Kreml. Jubilejny kancert 2019 hoda. Fota: Volha Panamarova.
Narodny artyst Rasii Valeryj Lavonćjeŭ zajaviŭ ab sychodzie sa sceny ŭ dzień svajho 75-hodździa. Raźvitalny tur jon pravodzić nie płanuje.
«Žanr, na jaki ja pakłaŭ paŭstahodździa, nie tryvaje starečaści. Ja zrabiŭ u 2019 hodzie, na svajo 70-hodździe, šou ŭ Maskvie ŭ Kramli, u Pieciarburhu ŭ «Kastryčnickim» i syšoŭ biez vybivańnia hrošaj z publiki na raźvitalnych turach. Biez soplaŭ i śloz», — cytuje śpievaka «Maskoŭski kamsamolec».
Akramia taho, artyst padziakavaŭ svaim prychilnikam, jakija nie zabyvajuć jaho i vinšujuć u sacyjalnych sietkach z Dniom naradžeńnia.
Valeryj Lavonćjeŭ — rasijski śpiavak, kampazitar i akcior, narodny artyst Rasijskaj Fiederacyi (1996), zasłužany artyst Ukrainskaj SSR (1987), šmatrazovy ŭładalnik muzyčnych premij «Hukavaja darožka», «Avacyja» i «Załaty hramafon». Zapisaŭ bolš za 30 albomaŭ.
Siońnia jamu spoŭniłasia 75 hadoŭ.
Čytajcie taksama:
«M***k ty, Stasik» — Ała Puhačova adkazała Stasu Michajłavu
Kirkoraŭ paśla zabarony na vystupy pajechaŭ śpiavać u akupavanuju Danieckuju vobłaść
Mikita Michałkoŭ raskazaŭ, što rasijskich artystaŭ prymušajuć jeździć na Danbas dziela karjery
