Uračystyja cyrymonii adkryćcia i zakryćcia ciapierašniaha kinaforumu projduć u kinateatry «Dom kino», piša BiełTA.
Konkursnyja pakazy MMKF adbuducca ŭ kinateatrach «Pijanier», «Centralny» i « Biełaruś».
Pazakonkursnyja pakazy filmaŭ projduć u kinateatrach «Centralny», «Dom kino», «Pijanier», u Muziei historyi biełaruskaha kino, na kinastudyi «Biełaruśfilm» i ŭ Ratušy.
Z prahramaj fiestyvalu možna aznajomicca tut.
Fota: BiełTA
Fiestyval płanujuć adkryć filmam «Kinošniki». U im šmat adsyłak da suśvietnaha i biełaruskaha kiniematohrafa, jakomu ŭ 2024 hodzie spoŭnicca 100 hadoŭ.
Staršynioj žury sioleta budzie Ihar Uholnikaŭ — saviecki i rasijski akcior, kinarežysior, scenaryst, pradziusar, televiadučy, eks-komik.
U ramkach pazakonkursnaj prahramy projduć Dni kazachskaha, rasijskaha, pakistanskaha i siryjskaha kino. U Akademii mastactvaŭ adbudziecca Dzień adčynienych dźviarej, padčas jakoha budzie arhanizavany pakaz karotkamietražnych studenckich filmaŭ.
U amataraŭ savieckaha kino budzie mahčymaść ubačyć lubimyja filmy na ekranach kinateatraŭ. Buduć pakazany karciny: «Ja kroču pa Maskvie», kamiedyi «Sardečna zaprašajem, abo Čužym uvachod zabaronieny», «Mimino», «Ścieražysia aŭtamabila», «Kin-dza-dza».
Čytajcie taksama:
U filmie Džoni Depa Sucina syhraje irłandziec
U anłajn-kinateatry Vodblisk źjavilisia novyja filmy
Ukrainskija filmy, jakija pakažuć na kinafiestyvali «Paŭnočnaje źziańnie»
