Džoni Dep i Rajan Mak-Parłand. Fota: instahram-staronka Rajana Mak-Parłanda
Dla maładoha Mak-Parłanda rola stanie, napeŭna, adnoj z samych značnych na hety momant u karjery. Choć jon užo zdymaŭsia u fentezi «Strašnyja kazki», u sieryjale Halo i hetak dalej.
«Modzi» — bijahrafičnaja drama pra italjanskaha mastaka i skulptara Amiedea Madyljani, jakaja pavinna vyjści na ekrany ŭ chutkim časie. Zdymki ŭžo zavieršany, piša sajt «Biełaruś i śviet».
Stužka apaviadaje pra dva dni z žyćcia ekspresijanista, jakija stali dla jaho pavarotnymi. Pieražyvajučy kryzis, Madyljani choča skončyć karjeru, siabry ž i kalehi sprabujuć adhavaryć jaho.
Režysioram karciny vystupaje Džoni Dep, scenar napisali Ježy i Mery Kramałoŭski pa pjesie Denisa Makintajra. U hałoŭnaj roli zaniaty Rykarda Skamarča.
Piejzažysta Marysa Utryło syhraŭ Bruna Huery, piśmieńnicu Bieatrys Haścinhs — Antonija Despła, paeta i pramoŭtara kultury, miecenata Leapolda Zbaroŭskaha — Styvien Hrem, kalekcyjaniera Marysa Hańja — Al Pačyna.
Na siońnia samy viadomy film pra italjanskaha mastaka — heta «Madyljani» Mika Devisa 2004 hoda, dzie hałoŭnuju rolu syhraŭ Endzi Harsija.
Film raspaviadaje pra apošni hod žyćcia mastaka ŭ pavajennym Paryžy ŭ 1919 hodzie i jaho niaščasnaje kachańnie da mastački Žanny Ebiutern. Chaima Sucina — sabutelnika i siabra Amadeja Madyjalni — syhraŭ u tym filmie Stefan Rymkus.
Čytajcie taksama:
Kupałaŭcy zdymajuć kino. Voś što pra jaho viadoma
Jak film «Na inšym bierazie» acanili hledačy na kinapłatformach
Pamior režysior stužki «Daroha na Kurapaty», zdymać jakuju dapamahaŭ Zianon Paźniak
