Što ŭ tabie isnaha, biedny moj, zvadny moj viek?
Bieh napiarejmy pa koŭzkaj chłuśni hałalodzic?
Dzieści, zabyty, źnikaje ŭ viry čałaviek.
Haśnie — čužy — čałaviek, čałaviek adychodzić…
Jon zalahaje maŭčańniem u zmorščynkach dreŭ,
bol jaho bačny ciapier tolki popaŭźniam šerym,
sad źnieludzieły jaho ŭ svajo serca biare,
łapiačy prorvy žyvoj abrykosavaj vieraj.
Sad jamu ź ciopłaha viećcia areli placie —
lotać i dychać ziamli miryjadami siepij…
Dzieści, zabyty ŭ ludziej, zaniadbany ŭ ludziej,
cicha raście čałaviek. Jamu parastkam — lepiej.
Čytajcie taksama:
Nasta Kudasava. Pahavorym, zapalim u sercach na mih lichtary. Vierš
9
0
0
0
1
0
pračytała. hety vierš spadabaŭsia)