Śviatar Alaksandr Kuchta padčas intervju. Kadr ź videa jutub-kanała «Žyćcio — malina»
«Ja ŭpeŭnieny, što Alaksandr Kuchta niejmavierna abajalny i advažny čałaviek, jaki nie pabajaŭsia vykazacca pra hvałt, represii i kłapacicca pra prynižanych ludziej u post-2020 Biełarusi. Heta darahoha varta! Adnak hetyja rečy, na žal, nie robiać čałavieka dobrym słužycielem carkvy, ci navat (jak vykazvaŭsia sam Kuchta) arhanizacyju, jakaja akazvaje relihijnyja pasłuhi — carkvoj, — napisaŭ Źmicier Chviedaruk u Fejsbuku.
— Aproč usich inšych momantaŭ, pra jakija chočacca kryčać, u hutarcy mianie ŭraziła, jak u adkaz na zapyt «pa jakich pryčynach toj ci inšy čałaviek traplaje ŭ piekła, ci apraŭdvajecca pierad Boham», słužyciel carkvy sychodzić ad adkazu i razvodzić rukami. Kali zamiest Jevanhiella, viestki ab Božaj miłaści i spraviadlivaści, sutnaści vyratavańnia, viery ŭ Chrysta hučyć «žartačka», maŭlaŭ «Tatačka viedaje»… Prosta cikava, dla čaho tady surazmoŭca Mikita Miełkazioraŭ zaprašaje na nabaženstvy ŭ Vilni i, adpaviedna, čamu tam navučajuć?
Biezumoŭna, adsyłki da taho, što Kuchta nie lubić teałohiju, dajuć šmat adkazaŭ na stan i sutnaść pravasłaŭnaj kanfiesii. I navat samych pryvabnych jaje pradstaŭnikoŭ. Biblija (i historyja carkvy) nazyvaje hałoŭnaj prablemaj carkvy i čałavieka toje, što jana nie viedaje Boha, Jaki Jon. U praŭdzivaj chryścijanskaj carkvie zaŭždy musić być viernaje i jasnaje vučeńnie i adbyvacca tajamnicy (chrost i chlebałamańnie).
Źmicier Chviedaruk
Chaciełasia ŭ takim vypadku prapanavać vysłać Alaksandru Kuchtu dobry padručnik pa chryścijanskaj dahmatycy, vydatnuju knihu «apraŭdańnie praz łasku» i Bibliju, kab albo prajaśnić dla siabie fundamientalnaje pytańnie ci pryznacca, što ličyć «carkvu» prosta vydatnym sacyjalnym kłubam/prajektam, u jakim Boh pavodle «ruskaj (ci kanstancinopalskaj) ruletki» ratuje (ci, mabyć, nie) ludziej. (Usio jašče spadziajusia, što skazanaje ŭ hutarcy nie abaznačaje vieru ŭ apakatastasis.)
Padčas prahladu ŭjaviŭ siabie na pryjomie ŭ lekara, jaki, zamiest taho, kab adkazać «jak ža mnie lekavacca», spasyłajecca, što i sam nie viedaje, a samaje hałoŭnaje, što ja mahu zrabić — miła ź im pahutaryć za kubačkam kavy dy skinucca na miedyčnaje abstalavańnie, jakoje dahetul lekaru vypała nabyć za ŭłasny košt.
Albo na spartovym šou, dzie čałaviek, jaki vydavaŭ siabie za Majkła Džordana, na pytańnie, u čym ža palahaje sutnaść hulni ŭ baskietboł, raźvioŭ by rukami i skazaŭ, što prosta lubić, kali vy kuplajecie kvitki na matč, a nastupnyja paŭtary hadziny nazirajecie za šou i adčuvajecie palohku ad žyćciovaj ruciny. Mabyć, jon by dadaŭ, što da kanca nie razumieje, jakija ž u hulni ŭ aranžavy miač praviły», — napisaŭ Źmicier Chviedaruk.
Čytajcie taksama:
Januškievič u «Žyćci-malinie»: Vaŭki nie viedajuć, što takoje daravańnie
Ivulin pra ździeki z Puškina, ciažki stan Łatypava i erzac-seks u kałonii
