Fota: staronka Homielskaha pałaca-parkavaha ansambla ŭ fejsbuku
Na staroncy muzieja ŭ fejsbuku hetuju historyju raspaviali tak:
«Historyja pačałasia sa stryječnaha brata Maryi — Vitala, jakija znajšoŭ nievierahodny abjekt absalutna vypadkova». Nieviadoma, jak jon zrazumieŭ, što heta zub, i jakija zapyty pisaŭ u internet, ale jak tolki zrazumieŭ, što heta moža być štości važnaje, to pazvaniŭ svajoj siastry. Maryja, majučy histaryčnuju adukacyju, adrazu paznała artefakt. I brat ź siastroj vyrašyli, što zub musić zachoŭvacca ŭ muziei. Jany napisali ŭ sacyjalnyja sietki Homielskaha pałaca-parkavaha ansambla.
Zub mamanta, jak paviedamlajuć u muziei, akazaŭsia całkam ściortym, bo jon vykarystoŭvaŭsia dla taho, kab pieracirać ježu. Ź ciaham času zub žyvioły ściraŭsia, vypadaŭ, a zamiest jaho źjaŭlaŭsia novy. I tak da šaści razoŭ za žyćcio.
Darečy, padčas ačystki dna Saža kala Homiela časta traplajucca kostki, jakija naležali mamantu.