Fota ilustracyjnaje
Tolki što źjaviłasia novaja lehienda, raspaŭsiudžanaja praŭładnym rasijskim ahienctvam «RIA Novosti». Pavodle jaje, śpiecyjalisty ŭkrainskaha pradpryjemstva «Paŭdnioŭmaš» nibyta padrychtavali mulaž rakiety kompleksu «Iskander», jaki płanujecca načynić radyjeaktyŭnym materyjałam, a zatym byccam źbić nad zonaj adčužeńnia Čarnobylskaj AES siłami ŭkrainskaj SPA i zajavić ab pusku jadziernaha zarada rasijskimi ŭzbrojenymi siłami.
Ananimnaja krynica rasijskaha prapahandysckaha ahienctva śćviardžaje, što mulaž rakiety «Iskandera» nibyta zrobleny na asnovie snarada rakietnaha kompleksu «Kropka-U»: «Paśla taho, jak mulaž «sabjuć», kijeŭskija ŭłady majuć namier pakazać zachodnim i ŭkrainskim ŚMI frahmienty makieta i elemienty elektroniki nibyta rakiety «Iskander», kab pierakanać zachodniuju hramadskaść u vinavataści Rasii».
Maskva pačała raspaŭsiudžvać źviestki pra padrychtoŭku Ukrainaj «brudnaj jadziernaj bomby» ad niadzieli. Vyhladaje, što jany zaviedama iłžyvyja. Ni krainy Zachadu, ni ekśpierty MAHATE nie bačać prykmiet pracy nad takoj bombaj va Ukrainie. Na Zachadzie zajavy ministra Šajhu, prezidenta Pucina i rasijskaj prapahandy interpretujuć abo jak prykryćcio dla ŭłasnaj apieracyi «pad iłžyvym ściaham», abo jak sposab nahniatańnia šavinistyčnaj isteryi ŭ rasijskim hramadstvie.
Čytajcie taksama:
«Heta zbroja vypalenaj ziamli». Što takoje «brudnaja bomba» i što rabić, kali jaje padarvuć u Biełarusi
