U niadaŭnym liście na volu palitźniavoleny hrodzieniec Siarhiej Rymša napisaŭ, što čas ad času administracyja žodzinskaj turmy źmiaščaje jaho ŭ ŠIZA, paviedamlaje «Viasna».
Siarhieja asudzili na try z pałovaj hady pa artykułach 364 KK (Hvałt u dačynieńni da supracoŭnikaŭ milicyi) i 342 KK (Udzieł u dziejańniach, jakija hruba parušajuć hramadski paradak). Zhodna z materyjałami spravy, 9 žniŭnia ŭ taniravany mikraaŭtobus z supracoŭnikami milicyi palacieŭ kamień. Za heta zatrymali Siarhieja. Pry zatrymańni jaho źbili. Rymša admaŭlaŭ toj fakt, što heta jon kidaŭ kamień u mikraaŭtobus. 21 studzienia sud Leninskaha rajona Hrodna pryznaŭ jaho vinavatym i asudziŭ da 3,5 hoda kałonii.
Siarhiej znachodziŭsia ŭ škłoŭskaj PK №17, ale ŭ listapadzie 2021 jamu ŭzmacnili režym i pieraviali ŭ žodzinskuju turmu №8.
Padtrymajcie palitviaźnia: Śledčaja turma № 8, 222163, h. Žodzina, vuł. Savieckaja, 22A, Siarhiej Jurjevič Rymša.
