Halina Ramanava za pracaj, fota facebook.com/surynovic.
Plener «Pačatki» prachodzić z 6 pa 12 lipienia ŭ miastečku Druja (Brasłaŭski rajon). Heta supolny prajekt probašča parafii Najśviaciejšaj Trojcy ksiandza Siarhieja Suronoviča i mastački Volhi Kuvajevaj. Udzieł u im biaruć Dźmitryj Surynovič, Uładzisłaŭ Piatručyk, Vital Druj, Kaciaryna Sumarava, Halina Ramanava… Usiaho 18 mastakoŭ. Jany pišuć i zamaloŭvajuć miastečka i jaho śviatyni. Kožny ź ich pakinie pa adnoj karcinie kaściołu.
«My spaznajem Boha praz stvorany praź Jaho śviet. Mastactva ŭ svaim fakcie paŭstańnia i radovišča źjaŭlajecca natchnionaj prajavaj čałavieka, jaki, dziakujučy svajmu talentu, moža i hety śviet, i jaho ŭspryniaćcie praz asobu tvorcy i techniki, nakirunku, počyrku, farby, — raskryć i padkreślić. Papa Francišak kaža: «Va ŭsie časy Kaścioł zaklikaŭ mastactva demanstravać pryhažość viery i abviaščać jevanhielskaje pasłańnie pra vielič Božaha stvareńnia, pra hodnaść čałavieka, stvoranaha na Jaho vobraz i padabienstva, pra siłu śmierci i ŭvaskrasieńnia Chrysta, jaki prynios adkupleńnie i adradžeńnie ŭ śviet, kranuty trahiedyjaj hrachu i śmierci». Mienavita hetyja dumki i pasył my i chočam uvasobić u plenery, jaki raspačaŭsia ŭ drujskim klaštary, danosiačy jaho jak da hledačoŭ i prychilnikaŭ mastactva, tak i da samich mastakoŭ», — adznačaje ksiondz Surynovič.
Vystava pa vynikach pleneru adbudziecca 12 lipienia a 13 hadzinie ŭ drujskim klaštary. U imprezie voźmie ŭdzieł paet i bard Eduard Akulin.
