Nacyjanalny bank Respubliki Biełaruś 4 lutaha vypuskaje ŭ abaračeńnie pamiatnyja maniety «Mikałaj Radzivił Čorny» sieryi «Umacavańnie i abarona dziaržavy», havorycca ŭ pres-relizie hałoŭnaj finansavaj ustanovy krainy.
- srebnuju — naminałam 20 rubloŭ, masaj 33,63 h, probaj spłavu 925, dyjamietram 38,61 mm, tyražom 2000 štuk;
- miedna-nikielevuju – naminałam 1 rubiel, masaj 15,5 h, dyjamietram 33,00 mm, tyražom 3000 štuk.
Maniety majuć formu kruha, ź piaredniaha i advarotnaha bakoŭ – kant, jaki vystupaje pa akružnaści. Na bakavoj pavierchni maniet nadpis: «Umacavańnie i abarona dziaržavy».
Aviers: uviersie – reljefny vidarys Dziaržaŭnaha hierba Respubliki Biełaruś i pa kruzie nadpis: RESPUBLIKA BIEŁARUŚ; u centry na fonie tytulnaha lista Bresckaj Biblii — scena ŭručeńnia kniaskaha tytuła Śviaščennaj Rymskaj impieryi Mikałaju Radziviłu Čornamu (frahmient karciny, jakaja znachodzicca ŭ ekspazicyi Nacyjanalnaha historyka-kulturnaha muzieja-zapaviednika «Niaśviž»); unizie – naminał 20 RUBLOŬ (na srebnaj) i 1 RUBIEL (na miedna-nikielevaj) i hod čakanki; sprava na srebnaj maniecie – proba spłavu.
Reviers: u centry – reljefnaja vyjava Mikałaja Radziviła Čornaha i jaho hierb; pa kruzie ŭ dva radki nadpisy: MIKAŁAJ RADZIVIŁ ČORNY i 1515–1565 (hady jaho žyćcia).
Maniety adčakanieny na RDP «Kazachstanski manietny dvor Nacyjanalnaha Banka Respubliki Kazachstan»: srebnaja — jakaściu «pruf», miedna-nikielevaja – «pruf-łajk».
Vypuščanyja ŭ abaračeńnie maniety źjaŭlajucca zakonnym płaciežnym srodkam Respubliki Biełaruś, abaviazkovym da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ.
Infarmacyja pra datu pastupleńnia pamiatnych maniet u prodaž budzie apublikavana na sajcie Nacyjanalnaha banka Respubliki Biełaruś u hłabalnaj kampjutarnaj sietcy Internet u raździele «Banknoty i maniety» (Čakanyja pastupleńni ŭ prodaž).
