Dyzajnierka i architektar Alaksandra Bajaryna stvaryła ŭłasny prajekt — sieryju paralelaŭ vobrazaŭ fešn-industryi ź biełaruskimi ptuškami.
Asnoŭnaja meta prajekta — pakazać, što nievierahodna raznastajnaje i jaskravaje adzieńnie mahło naradzicca i ŭ Biełarusi, bo ŭ našaj pryrodzie my majem usie nieabchodnyja padkazki.
Alaksandra ličyć, što tolki niaŭvažlivaść i ŭśviadomlenaje žadańnie adčuvać siabie ŭ chvaście suśvietnych tvorčych pracesaŭ pieraškadžaje nam abapiracca i čerpać natchnieńnie ŭ rodnaj pryrodzie.
Niapravilna dumać, što naša tolki toje, čaho niama ŭ druhich. Naša — heta toje, čym tut žyviem, na što tut hladzim i čym tut natchniajemsia. A kali ŭ kahości jość niešta padobnaje, dyk i chaty draŭlanyja ŭ tych ža hieahrafičnych šyrotach padobnyja. Padabienstva nie admianiaje kaštoŭnaści svajho.
Dla prajektu abranaja vopratka z kalekcyj suśvietna viadomych i miehapapularnych brendaŭ: Issey Miyake, Etro, Vera Wang, Ralph Lauren, Missoni, Dsquared i inšych.
Vałasianica šeraja — zvyčajny dla Biełarusi vid. Čym nie asoba dla natchnieńnia biełaruskich fešn-tvorcaŭ?
Čapla małaja biełaja — redki zalotny vid, ale ž zalataje, tak što možna śmieła dałučać lohki, padobny na pavietra bieły koler da śpisu rodnych ułaścivaściaŭ mody.
Busieł — adzin z nacyjanalnych simvałaŭ Biełarusi. Adpaviedna, taki čorna-bieła-čyrvony kamplekt musić być adnym z ulubionych, rodnych biełaruskich stylaŭ vopratki.
Žyć jaskrava, śmieła, prykmietna, žyć tak, kab soniečnaje śviatło mružyłasia ad tvajho źjaŭleńnia na vulicy! I adnačasova žyć tak, kab być bližej da rodnaj pryrody. Abiarycie žyćcio ŭ styli «Busieł»!
Biełaruski čorny ŭ fešn-industryi moh abrać inśpiracyjaj krumkača i hraka.
Naš dobry znajomy šery žuraviel natchniaje na abajalnyja, miakkija vobrazy. Apranacca pad žuraŭla — sučasna, modna i adnačasova tradycyjna, bo blizka da rodnaj pryrody.
Pliska žoŭtahałovaja. Upieršyniu na Baćkaŭščynie vyjaŭlena ŭ 1982 h., paśla čaho da siaredziny 1990-ch hadoŭ raspaŭsiudziłasia pa ŭsioj terytoryi krainy. Vytančanaja pliska zdolnaja natchnić i na viačernija sukienki, i na paŭsiadzionnuju vopratku, i na chatnija tepciki.
Taksama adzieńnie z rodnymi, tradycyjnymi biełaruskimi kolerami. Hetym razam madeljeraŭ natchniała jaskravaja ptuška malinaŭka.
Kralka. Samiec u hniezdavy pieryd ź jarka-błakitnaj plamaj na horle i hrudziach, pad jakoj iduć čornaja dy iržavaja pałosy. Hołas padobny na sałaŭjoŭ, ale bolš chrypaty.
Kralka — nievierahodna pryhožaja i jaskravaja ptuška. Usie heta mahło naradzicca ŭ Biełarusi, kali b my ŭvažliviej uhladalisia ŭ navakolle.
Drozd-śpiavun — zvyčajny na hniezdavańni pieralotny i tranzitna mihryrujučy vid.
Źleva aroł stepavy, aroł-vužajed i arlec vialiki – sprava spadary-sercajedy ŭ kaściumach ad Ralph Lauren.
Haradski styl mieścičaŭ mahli b dyktavać vierabiej damavy i vierabiej palavy.
Ščurok — ptuška z vyraznym dymarfizmam. U samca hałava, hrudzi i nadchvoście karminavyja, u samki hałava i hrudzi hlinista-aliŭkavyja, nadchvoście papialistaje.
Špak ružovy zalataje da nas redka, moh by i čaściej. Zimuje ŭ Indyi, Šry-Łancy, na Nikabarskich i Andamanskich astravach. Taki pryhožy, što navat Kiejt Mos nie vytrymała.
Hrafičnaść i vizualnaja kidkaść udoda tolki dla pazityŭnych i ŭpeŭnienych u sabie mieścičaŭ. Styl žyćcia «Udod»skłaŭ by dobruju kankurencyju «Busłu». Amatary viasiołaha i jaskravaha pastali b pierad składanym vybaram.
Sava-biarozaŭka mahła być pačynalnikam mody na prastornuju, abjomnuju viazanuju vopratku. Ptuška drapiežnaja, mužčynam lepš aścierahacca z vyhladu piaščotnych, navat kvołych minijaciurnych dziaŭčyn.
Avialha — zvyčajny dla Biełarusi pieralotny i tranzitna mihryrujučy vid. Samiec amal całkam jarka-žoŭty z čornymi kryłami i častkaj chvasta. Samka i maładyja bolš adnastajna afarbavanyja — zielenavata-žoŭtyja. Dziuba čyrvonaja.
Praciahvać možna biaskonca, bo pryroda naša — najkaštoŭniejšaja krynica natchnieńnia.
Usie vykarystanyja zdymki ź internetu. Apisańnie ptušak z http://www.ptushki.org/guide.html