Фото: ХК «Могилев»
Каманду амаль у поўным складзе адправілі на прадпрыемства ў вёсцы Чарнаручча ў Шклоўскім раёне, каб прыбраць камяні з палёў перад пасяўной.
Хакеісты ачысцілі ад камянёў тры вялікія палі. Галоўны трэнер каманды Аляксандр Мацярухін назваў гэта суботнікам і заявіў, што такія «трэніроўкі», маўляў, дапамагаюць калектыву згуртавацца.
«Магілёў» у гэтым сезоне заняў перадапошняе месца ў чэмпіянаце Беларусі і не выйшаў у плэй-оф.
Аляксандр Лукашэнка ў сакавіку, наведваючы Гродзенскую вобласць, пагражаў старшыні Гродзенскага аблвыканкама Уладзіміру Караніку і свайму памочніку па гэтай вобласці Юрыю Караеву турмой за тое, што з палёў не прыбраныя камяні. Неўзабаве на іх прыбіранне па ўсёй краіне сталі мабілізоўваць бюджэтнікаў, вайскоўцаў і навучэнцаў.
Чытайце таксама:
У Мінскім раёне на прыбіранне камянёў з палёў мабілізавалі асуджаных на «хатнюю хімію»
Жыхар Камянца перакрыў вуліцу калючым дротам, каб паскорыць рамонт дарогі
