На Парыжскім тыдні моды свае працы прэзентавала беларуская дызайнерка вясельных і вячэрніх убораў Наталля Мініна. Калекцыю яна стварыла з лёну, піша Tochka.by.
Фота тут і далей: архіў дызайнеркі
Адзенне на 98% складаецца з натуральнага матэрыялу і цалкам выканана ўручную. З дэкору — фацінавыя кветкі і іншыя элементы.
Унікальнасць калекцыі — у сумяшчэнне прыроды і раскошы.
На парыжскі подыум Наталля запрасіла дзяўчат розных камплекцый і ўзросту. Рост адной з іх — 158 см.
«Мы вырашылі зняць абутак з мадэляў, такім чынам яшчэ больш падкрэсліць натуральнасць. А на адзін з выхадаў дзяўчат папрасілі ўзяць яблыкі. Такім чынам стварыўся лёгкі і натуральны вобраз прагулкі па садзе. Бо, каб быць прыгожымі, нам не патрэбныя ўпрыгажэнні, дастаткова знайсці нешта асаблівае ў сваёй душы», — пракаментавала дызайнерка журналістам.
Самае прыемнае для Наталлі — увага і ацэнка «калег па цэху». Так, да беларускай дызайнеркі падышоў вядомы мадэльер Наз Маер, экс-памочнік Жана-Поля Гацье.
Прызнанаму эксперту калекцыя спадабалася. Яшчэ адно прыемнае дасягненне — фота з паказу калекцыі Наталлі апублікавалі ў італьянскім часопісе Marie Claire.
Адну з сукенак у яе купілі з паказу.
Некалькі дзён у Наталлі працаваў шоўрум у Парыжы. Там дызайнерка прадставіла сукенкі па ўласнай задумцы.
Дызайнерка Наталля Мініна. Фота: Tochka.by
«Цікавасць да іх была сапраўды вялікая: да мяне падыходзілі, пыталіся, бралі візітоўкі. Цяпер я маю зносіны з баерамі, праз якіх планую супрацоўнічаць з сусветнымі крамамі і шоурумамі», — агучыла планы дызайнерка.
Чытайце таксама:
Беражы галаву. Шапкі ад беларускіх вытворцаў, у якіх будзе не толькі цёпла, але і прыгожа
Кроксы ад «Марка», мартэнсы ад «Праменя». Шукаем стыльны абутак беларускіх вытворцаў
Модная восень па-беларуску. Трэндавыя рэчы можна знайсці нават у брэсцкай «Калінцы»
