Блог Вадзіма Лапая ў тыктоку прысвечаны рознай парфуме — хлопец няблага арыентуецца ў водарах розных брэндаў.
— Я набыў парфуму ад беларускага брэнду — называецца Fragrand. Гэта клон на Dior Fahrenheit. Ён абышоўся мне ў 28 беларускіх рублёў (але на відэа з крамы бачны цэннік 29,92 па акцыі замест першапачатковых 47,49. — «НН»). Давайце яго пратэсціруем, параўнаем з арыгіналам і зразумеем, ці трэба пераплачваць.
Блогер адзначыў, што скапіраваць дызайн флакона ў беларускага вытворцы атрымалася амаль цалкам — крыху адрозніваюцца толькі накрыўкі. Далей асістэнт папырскаў рознай парфумай на два блотары (папяровыя палоскі-тэстары): французскай на роўны і беларускай на загнуты.
Скрыншот відэа ў тыктоку Вадзіма Лапая
Як вы думаеце, ці атрымалася ў Вадзіма зразумець, дзе што? З першых секунд. Ён нават засмяяўся ад таго, наколькі ўсё проста атрымалася.
— Растлумачу, у чым розніца. Dior Fahrenheit гучыць больш густа, больш збіта, больш насычаная і канцэнтраваная кампазіцыя. Прычым пахне адразу менавіта парфумернай кампазіцыяй.
Беларуская парфума пахне падобна, але вельмі доўга гучаць спіртавыя ноты. І вось гэта яе выдае. І водар не такі яркі.
Вядома, арыгінальны пахне нашмат страмчэй. Калі вы захопленыя парфумерыяй, то варта пераплаціць і купіць арыгінал Fahrenheit. Для тых, хто ўвогуле не мае паняцця, што такое парфумерыя, і хоча проста ўзяць нешта, каб смачна пахнуць, дык Fragrand за 28 рублёў мае даволі нядрэннае гучанне.
Блогер кажа, што адшукаць парфуму ад Dilis нескладана: яна звычайна ёсць у крамах «Міла» і «Востраў чысціні». Але калі паглядзець водгукі на яе, то большасць пакупнікоў незадаволена ўстойлівасцю водараў.
За суткі ролік сабраў больш за 765 тысяч праглядаў і больш за 21 тысячу лайкаў. А ў каментарыях, зразумела, пачаліся батлы паміж тымі, хто любіць арыгіналы, і аматарамі эканоміць.
Нехта пажартаваў: моцныя спіртавыя ноты ў беларускай парфуме для таго, каб духамі можна было і папырскацца, і выпіць.
Чытайце таксама:
Упершыню ў горада Беларусі зʼявілася свая парфума
«Пад 400 рублёў на месяц». Беларускі расказалі, колькі грошай трацяць на касметыку і чым карыстаюцца
Куды наносіць парфуму і як прымусіць яе працаваць увесь дзень
Я работаю грузчиком на пункте приема вторичного сырья. Моя женщина тоже очень любит парфюм от Дилис косметик. Но 30 рублей за флакон для меня неподъемно дорого.
Какой из недорогих освежителей воздуха вы порекомендуете напырскать в плодово-ягодное вино, чтобы получить бюджетную замену этому аромату?