Віктар Ламека. Фота: сацыяльныя сеткі
Суд Зэльвенскага раёна 31 жніўня 2023 года прызнаў бізнэсоўца вінаватым у паклёпе і абразе Лукашэнкі (арт. 367 і арт. 368 Крымінальнага кодэкса). Затрымалі мужчыну 29 сакавіка 2023 года.
На відэа, якое апублікаваў праўладны тэлеграм-канал, відаць, што ён не аказваў супраціву, пры гэтым, паводле інфармацыі Mayday team, спачатку сілавікі моцна збілі мужчыну ў мікрааўтобусе, а затым супрацоўнікі 9-га ўпраўлення ГУБАЗіКа працягнулі збіванне ў будынку ведамства. Пры гэтым вельмі моцна ў Ламекі пацярпела нага.
Першапачаткова на Ламеку склалі пратакол па 19.11 КаАП Беларусі і аштрафавалі. Не даўшы мужчыну нават пакінуць будынак суда, сілавікі зноў затрымалі яго. Пасля другога суда паводле адміністрацыйнай справы Ламеку адправілі ў следчы ізалятар.
Калі прадпрымальнік ужо знаходзіўся ў СІЗА, стала вядома, што памерла яго маці.
Чытайце таксама:
Асудзілі на два гады калоніі мужчыну, якому на пратэстах у 2020-м міліцыянты рассеклі галаву дручком
ГУБАЗіК затрымаў хлопца, які сам прыйшоў даць справаздачу аб пераробленай «няправільнай» татуіроўцы
