Кірылу Камарова затрымалі ў канцы снежня 2022 года падчас хапуну ў Жлобіне. Разам з ім тады затрымалі не менш за пяць чалавек.
Мужчыну абвінавацілі ва ўдзеле ў акцыях пратэсту ў 2020 годзе і выхадзе на праезную частку. «Сумесна з іншымі людзьмі стаяў у счэпцы, пляскаў у далоні, гучна крычаў, выкрыкваў розныя лозунгі», — паведамляецца ў судовай пастанове.
На мітынгу міліцыянты адціснулі Кірылу металічным шчытом і рассеклі да крыві галаву гумовым дручком.
Камароў цалкам прызнаў віну і «раскаяўся» ў здзейсненым.
У Кірылы сярэдне-спецыяльная адукацыя, ён мае на ўтрыманні непаўналетняе дзіця.
Чытайце таксама:
ГУБАЗіК затрымаў хлопца, які сам прыйшоў даць справаздачу аб пераробленай «няправільнай» татуіроўцы