Kiraŭnik aŭtanomnych nacyjanał-balšavikoŭ źmieščany ŭ SIZA 17

U Minsku zatrymany kiraŭnik niezarehistravanaha hramadskaha abjadnańnia «Aŭtanomnyja nacyjanał-balšaviki». Pra heta paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ.

Upraŭleńniem Śledčaha kamiteta pa Minsku zaviedziena kryminalnaja sprava pa č. 2 art. 193 KK Respubliki Biełaruś (arhanizacyja albo kiraŭnictva hramadskim abjadnańniem, relihijnaj arhanizacyjaj, jakija zamachvajucca na asobu, pravy i abaviazki hramadzian) u dačynieńni da niepracujučaha minčuka 1984 hoda naradžeńnia.

«Śledstvam ustanoŭlena, što mužčyna ŭ 2010 hodzie arhanizavaŭ i ŭznačaliŭ hramadskaje abjadnańnie, nazvanaje im „Aŭtanomnyja nacyjanał-balšaviki“ (ANB), dziejnaść jakoha była źviazana z hvałtam nad hramadzianami, pryčynieńniem im cialesnych paškodžańniaŭ, adkrytym kradziažom ich asabistych rečaŭ i hrašovych srodkaŭ. Dziaržaŭnaja rehistracyja ANB va ŭstanoŭlenym paradku nie była projdzienaja», — skazaŭ Hierasimaŭ.

Padazravany z momantu stvareńnia arhanizacyi da lutaha hetaha hoda vykonvaŭ arhanizacyjna-rasparadčyja funkcyi, kirujučy dziejnaściu členaŭ ANB ŭ Minsku i inšych rehijonach, vykarystoŭvajučy Internet, a taksama pry dapamozie asabistych sustreč, hutarak i schodaŭ udzielnikaŭ abjadnańnia.

Jon arhanizavaŭ šerah akcyj, na jakich razam z padnačalenymi akazaŭ hvałtoŭnyja dziejańni ŭ dačynieńni da pradstaŭnikoŭ moładzievych subkultur, niefarmalnych ruchaŭ i seksualnych mienšaściaŭ, inšych hramadzian.

Zaraz abvinavačvany ŭtrymlivajecca ŭ śledčym izalatary pa padazreńni ŭ ździejśnienym im u lutym asabliva złosnym chulihanstvie (art.339 č.3 KK Respubliki Biełaruś). Sankcyja č.2 art.193 praduhledžvaje pakarańnie ŭ vyhladzie aryštu na termin da šaści miesiacaŭ albo pazbaŭleńnie voli na termin da troch hadoŭ.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH