Žančyna-kiroŭca paśla DTZ kinuła siabroŭku pamirać u pabitym aŭto + fota 22

Hetaje DTZ adbyłosia 9 sakavika a 01.50 na vuł. Matusieviča. U aŭtamabili «Mazda-626», jaki ruchaŭsia ŭ kirunku vulicy Piatra Hlebki, jechali dźvie žančyny 1974 i 1975 hadoŭ naradžeńnia. Kiroŭca nie dała rady kiravańniu i ŭrezałasia ŭ lichtarniu.

Chutkaść była takaja, što ŭ aŭtamabila adarvała bahažnik da siaredziny sałona (mašyna adnaŭleńniu nie padlahaje).

Žančyna-kiroŭca ŭ šokavym stanie źbiehła ź miesca zdareńnia. Jaje siabroŭku ŭ ciažkim stanie dastavili ŭ balnicu chutkaj dapamohi, paśla taho jak mašynu zaŭvažyli ludzi.

Asoba žančyny, jakaja znachodziłasia za rulom, ŭstanoŭlena pa dakumientach, kinutych u sałonie.

U ciapierašni čas viadziecca jaje vyšuk. Uličvajučy ciažar avaryi, u DAI nie vyklučajuć, što hetaja žančyna źvierniecca pa miedycynskuju dapamohu.

Akramia taho, za minułyja sutki adbyłosia 2 darožna-transpartnyja zdareńnia sa śmiarotnym zychodam.

U Ivanaŭskim rajonie Bresckaj vobłaści 8 sakavika a 1.10 na aŭtadarozie Ivanava — Motal mužčyna 1989 hoda naradžeńnia, jaki kiravaŭ aŭtamabilem «Aŭdzi-6», nie spraviŭsia z kiravańniem

i źjechaŭ u kiuviet. U vyniku šmatrazovaha pierakulvańnia adzin z pasažyraŭ (mužčyna 1989 hoda naradžeńnia) atrymaŭ niesumiaščalnyja z žyćciom traŭmy i pamior na miescy. Kiroŭca i druhi pasažyr špitalizavany ŭ Ivanaŭskuju CRB.

U toj ža dzień a 17.00 u miežach haradskoha pasiołka Mir Karelickaha rajona Hrodzienskaj vobłaści kiroŭca (1992 hoda naradžeńnia) «Sitrajena» źjechaŭ na ŭzbočynu, urezaŭsia ŭ draŭlany płot, a zatym — u aporu linii elektrapieradač.

Ad atrymanych traŭmaŭ jon skanaŭ na miescy.

U zvodcy DAI adznačajecca, što

ŭ abodvuch vypadkach ni kiroŭcy, ni pasažyry nie byli pryšpilenyja ramianiom biaśpieki.

Usiaho za minułyja sutki zarehistravana 9 ulikovych darožna-transpartnych zdareńniaŭ.

Pavodle BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH