Hety małabiudžetny paradyjny film nie ŭdzielničaje ŭ asnoŭnym konkursie Bierlinale, jaho demanstravali ŭ ramkach alternatyŭnaj prahramy «Panarama». Adnak stužka pra nacystaŭ, jakija paśla zakančeńnia Druhoj suśvietnaj vajny źbiehli na Miesiac i tam pačali płanavać novaje našeście na Ziamlu, atrymała nie mienš i navat bolš uvahi, čym niekatoryja filmy bolš znakamitych režysioraŭ.
Letaś hałoŭny pryz Bierlinskaha kinafiestyvalu, «Załaty miadźviedź», dastaŭsia iranskaj dramie «Razvod Nadera i Simin».
Na Bierlinale hetaha hoda ŭ liku inšych byŭ pradstaŭleny režysiorski debiut znakamitaj halivudskaj aktrysy Anžaliny Džali «U krai kryvi i miodu» pra vajnu ŭ Bośnii.
U fiestyvalnych kułuarach pahavorvajuć, što Džali i jaje partnior Bred Pit taksama byli ŭ liku zorak, jakija naviedali prahlad «Žaleznaha nieba».
Dziejańnienavukova-fantastyčnaj kamiedyi adbyvajecca ŭ 2018 hodzie, kali nacyscki sałdat vypadkova sutykajecca z amierykanskim astranaŭtam.
Absurdnaść taho, što adbyvajecca, dapaŭniajecca tym, što amierykanski prezident u stužcy vielmi nahadvaje byłoha hubiernatara Alaski Saru Pejlin, a amierykanski krejsier nosić nazvu «Džordž
Aŭtary stužki vykarystali viadomuju teoryju pra toje, što padčas Druhoj suśvietnaj nacysty nibyta paśpiachova raźvivali prahramu stvareńnia lotnych talerak.
«Durny žart»
Niekatoryja zamiežnyja reparciory zrabili vysnovu, što pośpiech hetaj stužki ŭ Bierlinie śviedčyć, što žychary Hiermanii narešcie navučylisia śmiajacca sa svajho nacysckaha minułaha.
Ale miascovyja žurnalisty pišuć vielmi aściarožna.
«Choć ja čuła, što hledačy štomocy śmiajalisia, na maim prahladzie takoha nie było, — raskazała Kierstyn Sopkie z ahienctva Associated Press. — U nas heta ŭsio jašče vielmi dalikatnaje pytańnie, i treba da hetaha padychodzić vielmi aściarožna. Ja spačatku była trochi naściarožanaja, ale mnie zdałosia, što heta dobraja kamiedyja».
Zrešty, režysior «Žaleznaha nieba» Cima Vuarensoła, papiaredniaja praca jakoha była parodyjaj na «Zornuju darohu» (Star Trek) i nazyvałasia «Zornaja źniamoha» (Star Wreck), nastrojeny ŭ dačynieńni da filma davoli krytyčna i nazyvaje jaho «durnym žartam».
Vialikaja častka srodkaŭ, vydatkavanych na stužku (kala 7 młn jeŭra), była sabranaja ŭ internecie prychilnikami tvorčaści Vuarensoły.Ciapier aŭtary stužki źbirajucca zapuścić sieryju komiksaŭ pavodle matyvaŭ «Žaleznaha nieba», a taksama vypuskać suvienirnuju pradukcyju.
Reakcyja presy na film pra kaśmičnych nacystaŭ taksama była vielmi roznaj.
Novy «Źmiainy palot»?
Ahladalnik brytanskaj haziety Independent pachvaliŭ stužku jak «žudasny apovied u samych pryjemnych i bujnych jaho prajavach».
Zrešty, Guardian apisvaje «Žaleznaje nieba» jak «hihancki pravał», jaki «i blizka nie adpaviadaje pa kamičnaści i złości svajoj zabojnaj zadumie».
Papularny łondanski časopis Time Out zhadžajecca z takoj krytyčnaj acenkaj i nazyvaje film «syroj ekscentryčnaj avanturaj, jakoj zusim nie chapaje ni rozumu, ni abajańnia, ni emocyj».
Zrešty, niama sumnievaŭ, što ažyjatažu vakoł filma ŭ niemałoj stupieni spryjała kampanija ŭ internecie. Takim čynam, jaho los padobny da losu jašče adnaho alapavataha małabiudžetnaha filma — «Źmiainy palot», što vyjšaŭ u 2006 hodzie.
Bierlinski fiestyval praciahniecca da 19 lutaha.
