Гэты малабюджэтны парадыйны фільм не ўдзельнічае ў асноўным конкурсе Берлінале, яго дэманстравалі ў рамках альтэрнатыўнай праграмы «Панарама». Аднак стужка пра нацыстаў, якія пасля заканчэння Другой сусветнай вайны збеглі на Месяц і там пачалі планаваць новае нашэсце на Зямлю, атрымала не менш і нават больш увагі, чым некаторыя фільмы больш знакамітых рэжысёраў.
Летась галоўны прыз Берлінскага кінафестывалю, «Залаты мядзведзь», дастаўся іранскай драме «Развод Надэра і Сімін».
На Берлінале гэтага года ў ліку іншых быў прадстаўлены рэжысёрскі дэбют знакамітай галівудскай актрысы Анжаліны Джалі «У краі крыві і мёду» пра вайну ў Босніі.
У фестывальных кулуарах пагаворваюць, што Джалі і яе партнёр Брэд Піт таксама былі ў ліку зорак, якія наведалі прагляд «Жалезнага неба».
Дзеянненавукова-фантастычнай камедыі адбываецца ў 2018 годзе, калі нацысцкі салдат выпадкова сутыкаецца з амерыканскім астранаўтам.
Абсурднасць таго, што адбываецца, дапаўняецца тым, што амерыканскі прэзідэнт у стужцы вельмі нагадвае былога губернатара Аляскі Сару Пэйлін, а амерыканскі крэйсер носіць назву «Джордж
Аўтары стужкі выкарысталі вядомую тэорыю пра тое, што падчас Другой сусветнай нацысты нібыта паспяхова развівалі праграму стварэння лётных талерак.
«Дурны жарт»
Некаторыя замежныя рэпарцёры зрабілі выснову, што поспех гэтай стужкі ў Берліне сведчыць, што жыхары Германіі нарэшце навучыліся смяяцца са свайго нацысцкага мінулага.
Але мясцовыя журналісты пішуць вельмі асцярожна.
«Хоць я чула, што гледачы штомоцы смяяліся, на маім праглядзе такога не было, — расказала Керстын Сопке з агенцтва Associated Press. — У нас гэта ўсё яшчэ вельмі далікатнае пытанне, і трэба да гэтага падыходзіць вельмі асцярожна. Я спачатку была трохі насцярожаная, але мне здалося, што гэта добрая камедыя».
Зрэшты, рэжысёр «Жалезнага неба» Ціма Вуарэнсола, папярэдняя праца якога была пародыяй на «Зорную дарогу» (Star Trek) і называлася «Зорная знямога» (Star Wreck), настроены ў дачыненні да фільма даволі крытычна і называе яго «дурным жартам».
Вялікая частка сродкаў, выдаткаваных на стужку (каля 7 млн еўра), была сабраная ў інтэрнэце прыхільнікамі творчасці Вуарэнсолы.Цяпер аўтары стужкі збіраюцца запусціць серыю коміксаў паводле матываў «Жалезнага неба», а таксама выпускаць сувенірную прадукцыю.
Рэакцыя прэсы на фільм пра касмічных нацыстаў таксама была вельмі рознай.
Новы «Змяіны палёт»?
Аглядальнік брытанскай газеты Independent пахваліў стужку як «жудасны аповед у самых прыемных і буйных яго праявах».
Зрэшты, Guardian апісвае «Жалезнае неба» як «гіганцкі правал», які «і блізка не адпавядае па камічнасці і злосці сваёй забойнай задуме».
Папулярны лонданскі часопіс Time Out згаджаецца з такой крытычнай ацэнкай і называе фільм «сырой эксцэнтрычнай авантурай, якой зусім не хапае ні розуму, ні абаяння, ні эмоцый».
Зрэшты, няма сумневаў, што ажыятажу вакол фільма ў немалой ступені спрыяла кампанія ў інтэрнэце. Такім чынам, яго лёс падобны да лёсу яшчэ аднаго аляпаватага малабюджэтнага фільма — «Змяіны палёт», што выйшаў у 2006 годзе.
Берлінскі фестываль працягнецца да 19 лютага.
