Arhanizatary Belarus Fashion WeekFall-Winter 2012/2013 pieranieśli mierapryjemstva na 24–29 krasavika. Raniej płanavałasia pravieści «modny tydzień» 3–8 krasavika.
Jak paviedamiła kiraŭnik BFW Janina Hančarova, pieranos daty źviazany z vybaram novaha miesca praviadzieńnia Tydnia mody, jaki ŭpieršyniu adbudziecca ŭ staličnym Pałacy mastactva.
Jak patłumačyła Hančarova, u pačatku krasavika ŭ Pałacy mastactva budzie prachodzić vystava i praviadzieńnie BFW u hetyja dni niemahčyma. Paźniej jana razam ź niekalkimi biełaruskimi dyzajnierami budzie brać udzieł u Aurora fashion week (
«Kali paŭstała pytańnie ab pieranosie placoŭki, my razhladali šmat pamiaškańniaŭ — tralejbusnaje depo, aeraport, zavod „Haryzont“, kamvolny kambinat, „Biełaruśfilm“.
My hladzieli vialikija placoŭki, ale Pałac mastactva padyšoŭ lepš za ŭsio», — zaznačyła Hančarova.
Jak i minułaj vosieńniu, u novym siezonie arhanizatary BFW nie zmahli znajści hienieralnaha partniora mierapryjemstva, adnak im udałosia znajści sponsaraŭ dla niekatorych dyzajnieraŭ, kab jany mahli apłacić raschody na stvareńnie kalekcyi i arhanizacyju pakazu.
Hetaj viasnoj u miežach BFW adbudziecca aprabavany ŭ minułym siezonie konkurs maładych dyzajnieraŭ New names, jaki na hety raz budzie pravodzicca nie tolki dla dyzajnieraŭ adzieńnia, ale i dla stvaralnikaŭ aŭtarskaha abutku i aksiesuaraŭ. Zaraz arhanizatary šukajuć partnioraŭ siarod kampanij, jakija zmohuć pradastavić pryzy pieramožcam — stažyroŭku na pradpryjemstvach.
Aprača taho, padčas Tydnia mody budzie arhanizavany pieršy konkurs siarod biełaruskich
