Fihurant spravy ab masavych biesparadkach u Minsku 19 śniežnia 2010 hoda Alaksandr Małčanaŭ asudžany na 10 sutak administracyjnaha aryštu za niepadparadkavańnie supracoŭnikam milicyi. Takoje rašeńnie pryniaŭ 27 kastryčnika sud Barysaŭskaha rajona (Minskaja vobłaść), paviedamiła pravaabaronca Nasta Łojka.
Pavodle jaje słoŭ, na Małčanava byŭ składzieny pratakoł na padstavie artykuła 23.4 Kodeksa ab administracyjnych pravaparušeńniach (niepadparadkavańnie zakonnamu rasparadžeńniu abo patrabavańniu słužbovaj asoby pry vykanańni im słužbovych paŭnamoctvaŭ). «Sud pačaŭsia ŭ 10 hadzin 30 chvilin, adnak byŭ adkładzieny na 14 hadzin
Nahadajem, u noč z 26 na 27 kastryčnika Małčanaŭ źbiraŭsia zahnać svoj aŭtamabil u haraž. Ale pakul jon adkryvaŭ varoty, mašynu zabłakiravali milicejskija aŭtamabili. Małčanava hruba kinuli na padłohu haraža i zajavili, što buduć pravodzić ahlad aŭtamabila — nibyta jość źviestki, što jon moža chavać zabaronienuju nacyjanalnuju simvoliku. Vobysk taksama praviali ŭ domie, dzie žyvie Małčanaŭ z maci, a jaho samoha zatrymali nibyta za niepadparadkavańnie i advieźli ŭ Barysaŭski RAUS.
Nahadajem, Alaksandr Małčanaŭ za ŭdzieł u padziejach 19 śniežnia 2010 hoda byŭ asudžany na 3 hady pazbaŭleńnia voli ŭ kałonii ŭzmocnienaha režymu. Adbyvaŭ pakarańnie ŭ Mahilovie. 14 vieraśnia vyzvaleny z hodna z ukazam Łukašenki ab pamiłavańni.
