Ad 8 vieraśnia hazieta «Naša Niva» vychodzić u abnoŭlenym dyzajnie. Źmianiŭsia styl zahałoŭkaŭ, na kalarovych pałosach u padzahałoŭkach źjavilisia kalarovyja ŭrezki i vyłučeńni klučavych słovazłučeńniaŭ, źmianilisia podpisy da fotazdymkaŭ. Stały čytač zmoža ŭbačyć u abnoŭlenaj «NN» ledź zaŭvažnyja rysy haziety druhoj pałovy 90-ch.
Čym jašče, akramia abnoŭlenaha dyzajnu, moža zacikavić čytača №33 ad 7 vieraśnia?
Tema numara — futbolny kłub BATE, jaki druhi raz prabiŭsia ŭ hrupavy turnir Lihi čempijonaŭ.Z artykuła pra žonak futbalistaŭ barysaŭskaha kłuba vy daviedajeciesia, chto ŭ siamji Lichtarovičaŭ chodzić u kramu, a z hutarki z brazilskim lehijanieram Renanam Bresanam — jak jaho baćki pastavilisia da pytańnia atrymańnia ichnim synam biełaruskaha hramadzianstva.
Taksama ŭ numary:
— Čym abiernucca dla ekanomiki krainy dekłaravanyja 500 tysiač na bulbu dla piensijanieraŭ i biudžetnikaŭ.
— Ci nie škodzić zdaroŭju školnaja forma?
— Jak moža adbycca sychod Łukašenki? Mierkavańni biełaruskich i zamiežnych ekśpiertaŭ.
— Biełaruskaja hłybinia. Pieršy list z vysyłki ad Paŭla Sieviarynca.
Novy numar možna nabyć ŭ Minsku pa abiedzie, a ŭ rehijonach z ranicy čaćviarha. Pra ŭmovy padpiski čytajcie TUT.
My pryśviacili ŭdaskanaleńnie dyzajnu 20-j hadavinie niezaležnaści Respubliki Biełaruś. A taksama vinšujem usich našych mužčyn-čytačoŭ z Dniom biełaruskaj vajskovaj słavy.
