Hałoŭny rabin Iudziejskaha relihijnaha abjadnańnia ŭ RB Aŭraam Bienienson nadrukavaŭ u «Sovietskoj Biełoruśsii» adkryty list prezidentu ZŠA.
Fota sb.by.
Padstavaj stali «niadaŭnija niesiabroŭskija i tendencyjnyja vykazvańni [Baraka Abamy] na adras Biełarusi».
«Vy śćviardžajecie, što hetyja Vašy słovy byli matyvavany faktami vyniasieńnia prysudaŭ u Minsku abvinavačanym u arhanizacyi i ŭdziele ŭ padziejach 19 śniežnia minułaha hoda. Vidavočna, Vašy pamahatyja pradstavili Vam hetych ludziej jak «mirnych demanstrantaŭ, jakija paciarpieli z-za samavolstva ŭładaŭ», «niezakonna asudžanych zmaharoŭ demakratyi i hramadzianskich svabodaŭ». I da taho padobnaje. Adnak ci tak heta na samoj spravie? Advažusia adnaznačna śćviardžać, što zusim nie tak».
Rabin źviartaje ŭvahu, što akcyja 19 śniežnia była niezakonnaj. Ale navat u hetym vypadku orhany pravaparadku nie pieraškadžali jaje praviadzieńniu. Pa słovach Bieniensona, jany navat nikoha nie čapali, kali
«mirnyja demanstranty» skandziravali łozunhi ab hvałtoŭnym źviaržeńni Urada, adkryta zaklikali da dziaržaŭnaha pieravarotu, pahražali fizičnaj raspravaj svaim ideałahičnym supiernikam».
«Pakul usio abmiažoŭvałasia tolki słovami, jakimi b procizakonnymi i pravakacyjnymi jany nie byli, pravaachoŭnyja słužby nie ŭmiešvalisia i davali natoŭpu mahčymaść bieśpieraškodna biasčynstvavać».
Rabin upeŭnieny, što demanstracyja była «spłanavanym i pradumanym dziejańniem, jakoje staviła za metu sprobu hłabalnaj destabilizacyi abstanoŭki ŭ krainie». I ličyć, što
asudžanyja pa tych padziejach ludzi atrymali «praźmierna maleńkija terminy turemnaha źniavoleńnia».
«Što ž nam prapanoŭvajuć «płoščadnyje pohromščiki» ad tak zvanaj «apazicyi» ŭ vypadku, nie daj B-h, ich prychodu da ŭłady? Toje, što jany prapanoŭvajuć, jany nahladna prademanstravali na płoščy: anarchiju, hvałt i biezzakońnie».
Rabin piša pra toje, što ŭ niekatorych krainach i siońnia nie harantujecca biaśpieka dla jaŭrejaŭ. U Biełarusi ž im nie treba najmać achovu — kraina mirnaja.
«Tak što nie patrebnaja nam, jaŭrejam, inšaja ŭłada».
A ad prezidenta ZŠA rabin choča adnaho: «raźbiaryciesia va ŭsioj situacyi asabista, biez pasrednikaŭ».
