Maci asudžanaha za Płošču Mikity Lichavida Alena hetak prakamientavała źviestki pra pamiłavańnie dzieviaci palitviaźniaŭ.
Alena Lichavid (sprava) vychodzić z Akreścina, kudy jaje ŭpiakli za ŭdzieł u maŭklivych pratestach. Fota «Jeŭraradyjo».
«Nie viedaju imionaŭ tych, kaho vyzvalać, ale pierakananaja, što heta buduć pieršyja vyzvalenyja, ale nie apošnija. Heta pieršaja łastaŭka. Situacyja saśpieła dla taho, kab vyzvalić ŭsich palitviaźniaŭ, a nie tolki tych, chto paprasiŭ pra heta asabista Łukašenku. Moj Mikita siarod pieršaj chvali vyzvalenych naŭrad ci budzie. Va ŭsiakim razie, jon nie pisaŭ takoha prašeńnia, miarkujučy pa jahonym apošnim liście, dzie jon napisaŭ, što nie handluje svaim imiem i hodnaściu. I advakatka pra vyzvaleńnie ničoha nie viedaje, ja tolki što ź joj razmaŭlała. Kali b vyzvalali Mikitu, joj by mahli paviedamić… Ale ja nie asudžaju i tych, chto napisaŭ — jany usio roŭna nievinavatyja. Voś vy mnie pazvanili ŭ momant, kali ja na pošcie, pasyłaju banderolku Mikałaju Statkieviču, u jakoha zaŭtra dzień narodzinaŭ. Miarkuju, jamu hetaja navina budzie vielmi pryjemnaja, što pačali vyzvalać. Značyć, choć krychu paźniej, ale i takich jak jon vyzvalać».
