Na sustreču ministraŭ zamiežnych spravaŭ Vyšahradskaj hrupy i Uschodniaha partniorstva zaprasili Milinkieviča 35

Dla hetaha apazicyjnamu palityku telefanavaŭ kiraŭnik MZS Słavakii.

Jak paviedamlaje pres-słužba słavackaha dypłamatyčnaha viedamstva, telefonnaja razmova adbyłasia 26 studzienia.

Milinkievič painfarmavaŭ ministra zamiežnych spraŭ Słavaččyny Mikułaša Dzuryndu pra situacyju ŭ Biełarusi. Ministr Dzurynda, u svaju čarhu, padziakavaŭ Milinkieviču za jaho śmiełuju pazicyju. Ministr pieradaŭ słovy padtrymki aryštavanym aktyvistam hramadzianskaj supolnaści i inšym apazicyjnym palitykam u Biełarusi. Dalej Milinkievič i Dzurynda razmaŭlali pra budučyniu krainy, jakuju abodva bačać u Jeŭrapiejskim Sajuzie.

Ministr Dzurynda zaprasiŭ Milinkieviča na sustreču ministraŭ zamiežnych spraŭ krain Vyšahradskaj čaćviorki (Polšča, Čechija, Słavaččyna i Vienhryja) i Uschodniaha partniorstva. Jana adbudziecca 3 sakavika ŭ Bracisłavie i projdzie paralelna sa štohadovaj kanfierencyjaj pa biaśpiecy Globsec, pryznačanaj na 2–4 sakavika.

«Milinkievič pryniaŭ zaprašeńnie», paviedamlaje słavackaje MZS.

0

0

0

0

0

0

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH