24 deputaty Parlamenckaj asamblei Rady Eŭropy zaklikali krainy-siabry arhanizacyi ŭvieści suprać biełaruskich uładaŭ sankcyi za niesumlennyja vybary i ŭcisk apazycyi.
U apublikavanaj zajavie 24 deputataŭ PARE ad roznych krain Eŭropy asudžajucca machlarstvy biełaruskich uładaŭ u časie minułych vybaraŭ prezydenta, aryšty apazycyjnych aktyvistaŭ i ŭsie inšyja prykmiety niedachopu pavahi da pravoŭ čałavieka z boku biełaruskich uładaŭ.
Siarod inšaha jany zaklikajuć usie dziaržavy-siabry Rady Eŭropy:
* asudzić hvałt paśla vybaraŭ, a taksama acanić minułyja vybary jak machlarstva, nie pryznavać ich vynikaŭ i zaklikać da novych vybaraŭ u Biełarusi;
* pierahledzieć dvuchbakovyja adnosiny ź biełaruskimi ŭładami, u tym liku ŭstanavić śpis biełaruskich čynoŭnikaŭ, jakija niasuć adkaznaść za niesumlennyja vybary i adsutnaść pavahi da pravoŭ čałavieka;
* dla ŭviadzieńnia metavych ekanamičnych sankcyj u adnosinach da biełaruskaha režymu, pakul jon nie pavažaje pravoŭ čałavieka, vykarystoŭvać kantrolny śpis z 12 umovaŭ, na jakich Eŭrapiejskaja kamisija ŭhruntoŭvaje svaje adnosiny ź Biełaruśsiu. Da spynieńnia sankcyj mohuć pryvieści tolki novyja vybary.