Try čałavieki zahinuli, jašče troje traŭmavanyja padčas abvału dachu byłoj fiermy ŭ Vierchniadźvinskim rajonie, paviedamili ŭ centry prapahandy i navučańnia pry Viciebskim abłasnym upraŭleńni MNS.
Trahiedyja zdaryłasia ŭdzień 17 studzienia ŭ vioscy Dubrovy na žyviołahadoŭčaj fiermie sielhaspradpryjemstva «Kachanovičy», jakaja nie ekspłuatavałasia i padlahała demantažu.
Prybyłyja na miesca supracoŭniki rajonnaha adździeła MNS dastali
Krychu paźniej na miescy abvału byli znojdzieny cieły troch zahinułych, 1973, 1964 i 1958 hadoŭ naradžeńnia, taksama rabotnikaŭ budaŭničaj bryhady.
Pavodle papiarednich dadzienych, pryčynaj abvału kanstrukcyj źjaŭlajecca parušeńnie pravił techniki biaśpieki padčas demantažu fiermy. Budynak płoščaj amal 1,3 tys. kv. m byŭ uźviedzieny ŭ 1970 hodzie, a ŭ 2007 hodzie źniaty z bałansu pradpryjemstva. Abvał dachu adbyŭsia pa ŭsioj płoščy budynka.
Prakuratura Vierchniadźvinskaha rajona raspačała kryminalnuju spravu pa častcy 2 art. 303 Kryminalnaha kodeksa Biełarusi «Parušeńnie praviłaŭ biaśpieki budaŭničych rabot, što paciahnuła pa nieaściarožnaści śmierć čałavieka», jakaja praduhledžvaje pakarańnie ŭ vyhladzie pazbaŭleńnia voli na termin ad 2 da 7 hadoŭ.
Buduć vyjaśviatlacca ŭsie abstaviny trahiedyi, a taksama vinavatyja słužbovyja asoby. Kryminalnaja sprava pryniataja da vytvorčaści śledčym adździełam prakuratury Viciebskaj vobłaści.