Znany pierakładčyk adznačaje jubilej siońnia.
Fota svaboda.org.
Vasil Siomucha naradziŭsia na chutary Jasieniec u Pružanskim rajonie. U šaścihadovym uzroście straciŭ baćkoŭ: nacysty rasstralali ich za suviaź z partyzanami. Ale siamiejnaja trahiedyja nie stała dla jaho barjeram u znajomstvie ź niamieckaj kulturaj. Jon skončyŭ ramana-hiermanskaje adździaleńnie fiłfaka Maskoŭskaha dziaržaŭnaha ŭniviersiteta. Pracavaŭ redaktaram u vydaviectvie, vykładčykam niamieckaj movy, litsupracoŭnikam.
Pierakładaje z ukrainskaj, łatyšskaj, polskaj, łacinskaj i inšych moŭ. Ale źjaŭlajecca hałoŭnym pierakładčykam mastackaj litaratury ź niamieckaj.
Dziakujučy jamu pa biełarusku źjavilisia «Faŭst» Hiote, «Tak skazaŭ Zaratustra» Nicše, «Miefista» Kłaŭsa Mana, «Kniha hadzin» Rylkie, «Maryja Ściuart» Šylera, Biblija…
U 1967 pierakładčyk źviarnuŭsia da ministra zamiežnych spraŭ BSSR ź niezvyčajnaj prośbaj. Jon prapanavaŭ zaprasić va ŭrada FRH kampiensacyju za stračanuju im majomaść. A na atrymanyja hrošy vydać svoj pierakład «Faŭsta». U vyniku Vasila Siomuchu vyklučyli z Sajuza piśmieńnikaŭ.
Jašče ŭ 1995 hodzie jon apublikavaŭ svoj pierakład «Parfumy» Patryka Ziuskinda, film pa jakoj u XXI stahodździ staŭ nadzvyaj papularnym.
Kavaler ordena «Za zasłuhi pierad Fiederatyŭnaj Respublikaj Hiermanijaj», łatvijskaha «Ordena troch kryžoŭ». Łaŭreat Dziaržaŭnaj premii Biełarusi.
