16 śniežnia ŭ kancertnaj studyi Polskaha radyjo ŭ Varšavie prajšoŭ kancert salidarnaści «Pačuj Biełaruś — Kultura suprać dyktatury», padrychtavany2-j prahramaj Polskaha radyjo.
Žonka polskaha prezidenta ŭmieje być niefarmalnaj. Na fota: sa Źmitrom Vajciuškievičam i Adamam Fierency.
Źmicier Vajciuškievič i WZ-Orkiestra śpiavali pieśni na vieršy Niaklajeva.
Charyzmatyčny lidar «Recha» Andrej Takindanh.
Nasta Niakrasava.
Publika stojačy vitała vykanańnie «Muroŭ».
Kancert byŭ dabračynny. Arhanizatary abviaścili, što srodki, atrymanyja za bilety, na prodažy značkaŭ i płakataŭ, buduć pieraličanyja NN. «U toj dzień, kali my mierkavali, što možam zrabić dla Biełarusi, jakraz adbyŭsia pieratrus u NN, — kaža pradusar akcyi Ihar Znyk. — I adrazu źjaviłasia ideja zrabić takuju akcyju ŭ padtrymku haziety».
Na kancert u niadzielny viečar pryjšło trochi moładzi, trochi biełaruskich studentaŭ, ale słuchackuju bolšaść składali palaki stałaha vieku, dla jakich i dyktatura, i salidarnaść — nie słovy, a častka žyćciovaha dośviedu.Prysutničała na kancercie i žonka prezidenta Polščy Branisłava Kamaroŭskaha — Hanna. Paśla kancerta jana pahutaryła z muzykami i arhanizatarami. Taksama, pavodle papiarednich źviestak, na kancercie źbirałasia być žonka pasła Biełarusi ŭ Polščy. Jak paviedamili arhanizatary, im telefanavali ź biełaruskaha pasolstva i zapytvali, ci zmoža «pani pasłova» skazać pramovu sa sceny. Kali arhanizatary nie pahadzilisia, infarmacyja pra vizit nie była paćvierdžanaja aficyjna.
Zatoje ad biełaruskaha pasolstva pryjšoŭ supracoŭnik z charakternym niepranikalnym vyrazam tvaru.
Na scenie ž vystupali minskija hurty «Recha» i
Pry kancy muzyki supolna vykanali znakavuju dla polskaha zmahańnia za niezaležnaść pieśniu «Mury». Pry kancy 2010 hoda jaje z polskaj movy pierakłaŭ Andrej Chadanovič. U jaho vykanańni "Mury" prahučali z trybuny płoščy Niezaležnaści 19 śniežnia.
Zała vitała pieśniu vopleskami i stojačy.
Dziakujem za takuju salidarnaść.
