Matč BATE — «Dynama» Kijeŭ moža być admienieny

Rašeńnie pra pieranos sustrečy prymaje hałoŭny arbitr.

Kali stan hazona źjaŭlajecca prydatnym dla hulni, za hadzinu da matču robicca zamier tempieratury pavietra na poli.

U vypadku, kali jana nižej za minus 15 hradusaŭ Celsija, abodva kłuby pavinny dać zhodu na ŭdzieł u pajadynku

Admova adnaho z bakoŭ aŭtamatyčna aznačaje, što matč u hety dzień nie adbudziecca, paviedamlaje sajt BATE.

***

Matč 5-ha tura hrupavoha etapu Lihi Jeŭropy BATE — «Dynama» Kijeŭ pavinien prajści ŭ čaćvier 2 śniežnia na minskim stadyjonie «Dynama» (pačatak u 22:05).

U vypadku pieramohi abo ničyjnaha vyniku ź likam 0:0, 1:1, BATE za tur da finišu harantuje sabie 1-je miesca ŭ hrupie, što daje vyhody padčas losavańnia 1/16 finału Lihi Jeŭropy, kudy biełaruski kłub prabiŭsia daterminova.

Na viečar čaćviarha sajty nadvorja prahnazujuć ad minus 10 da minus 12 hradusaŭ, mocny śnieh.

Hałoŭny trenier BATE Viktar Hančarenka na pieradmatčavaj pres-kanfierencyi zajaviŭ, što jaho kamanda hatova pry lubym nadvorji.

0

0

0

0

0

0

AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH