Užo ŭ hetuju piatnicu, 19 listapada, za kubak Respublikanskaha čempijanatu pa zbory pazłaŭ «BIEŁARUŚ i Ja» buduć zmahacca pieramožcy abłasnych, a taksama Minskaha haradskoha adboračnych turaŭ spabornictvaŭ.
Heta — 6 kamand z vyšejšych, 8 — ź siarednich śpiecyjalnych navučalnych ustanoŭ našaj krainy. Kožnaja kamanda składajecca z 3-ch čałaviek. Taksama ŭ finalnym turniry prymuć udzieł kamandy zamiežnych studentaŭ, jakija navučajucca ŭ viadučych VNU Biełarusi — BDU, BNTU, BDUIR, Minskim dziaržaŭnym linhvistyčnym univiersitecie.
Prahrama finału ŭklučaje try etapy. Pieršy — zbor pazłaŭ (kamandny, indyvidualny, konkurs kapitanaŭ). Druhi — intelektualny konkurs «Erudyt-ŁATO». Pieramožcu Respublikanskaha čempijanatu «BIEŁARUŚ i Ja» vyznačyć supierfinał. Upieršyniu ŭ ramkach čempijanatu projdzie turnir pa zbory pazłaŭ u interaktyŭnym farmacie (zbor elektronnych pazłaŭ).
Asnovaj dla raspracoŭki i vyrabu pazłaŭ farmatam A3 na 206 i A4 na 96 elemientaŭ pasłužyli abjekty, źviazanyja z najnoŭšaj historyjaj i kulturna-histaryčnaj spadčynaj Biełarusi: Minsk-Arena, Nacyjanalnaja biblijateka Biełarusi, Nacyjanalny akademičny Vialiki teatr opiery i baleta Respubliki Biełaruś, Respublikanski harnałyžny centr «Siličy», spartyŭny kompleks «Viktoryja» ŭ Breście, Letni amfiteatr u Viciebsku, Pałac Rumiancavych-Paskievičaŭ u Homieli, Aŭhustoŭski kanał u Hrodnie, Mahiloŭskaja haradskaja ratuša.
Tak što ŭžo litaralna praź niekalki dzion stanie viadoma, chto stanie čempijonam pa zbory pazłaŭ. Zastajecca tolki pažadać usim udzielnikam pośpiechu i niachaj pieramoha znojdzie svajho hieroja.
Źviazda
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
