Dla praviadzieńnia kampanii ŭ krainie z nasielnictvam bolš za 1,3 młrd čałaviek zadziejničana kala 6 młn pierapisčykaŭ.
Ułady spadziajucca dziakujučy pierapisu daviedacca dakładnuju kolkaść pracoŭnych mihrantaŭ, jakaja, pavodle niekatorych acenak, składaje kala 200 młn čałaviek.
Samaja vialikaja składanaść — u tym, jakim čynam ličyć mihrantaŭ, bo ŭ mnohich ź ich niama peŭnaha miesca žycharstva.Miarkujuć, što ŭ apošnija niekalki hadoŭ dziasiatki miljonaŭ kitajcaŭ pierasialilisia ź sielskaj miascovaści ŭ harady ŭ pošukach pracy. Ale mnohija ź ich pieratvarylisia ŭ bamžoŭ i nie mohuć atrymać sacyjalnuju dapamohu.
Niekatory čas tamu premjer dziaržrady KNR Veń Cziabao adznačyŭ, što pracoŭnyja mihranty zasłuhoŭvajuć lepšaha abychodžańnia.
Jašče adna zadača pierapisu — vyśvietlić, kolki dziaciej pražyvaje ŭ Kitai, bo, jak viadoma, u hetym pytańni aficyjnyja ličby istotna nižejšyja za realnyja.Praz žorstkija praviły kantrolu nad naradžalnaściu baćki časta nie rehistrujuć dziaciej, aścierahajučysia parušeńnia praviły «adna siamja — adno dzicia».
Ułady spadziajucca pieraadoleć supraciŭ pierapisu, abiacajučy źnizić štrafy dla tych, chto dobraachvotna pryznajecca ŭ realnaj kolkaści dziaciej. A samym biednym siemjam budzie dazvolena apłačvać štrafy ŭ rasterminoŭku.
Pa dadzienych apošniaha pierapisu 2005, kolkaść nasielnictva ŭ Kitai składała 1 młrd 295 młn čałaviek.
0
0
0
0
0
0