Ščaślivyja školniki niasuć papki z «adkazami» prezidenta. Fota Brsm.by
U mai minułaha hodu pa ŭsioj krainie prachodziła akcyja «Zadaj pytańnie prezidentu», arhanizavanaja BRSM.Dzieciam va ŭsich navučalnych ustanovach prapanoŭvałasia napisać list prezidentu Łukašenku i zadać pytańni, jakija ich cikaviać i chvalujuć. Cikava, što akcyja była arhanizavana adrazu paśla taho, jak anałahičnuju ideju realizavała kampanija «Havary praŭdu».
Mnohija ź dziciačaj niepasrednaściu adhuknulisia i napisali. Pytalisia pra roznaje: naprykład, u kłasie majoj dački byli pytańni ab samym jarkim dziciačym uražańni prezidenta, ab tym, jak jon ujaŭlaje budučyniu Biełarusi, a adzin chłopčyk zapytaŭsia, kali budzie viernuty
Nie prajšło i paŭhoda, jak BRSM praviało čarhovuju akcyju — dzieciam, jakija zadali «najlepšyja» pytańni, paviedamili, što jany atrymajuć adkaz ad Łukašenki. Heta vyklikała peŭnaje ŭzrušeńnie!
Adkazy ŭručalisia na nastupny dzień na admysłovych zborach, na jakich pradstaŭniki ułady i BRSM dziakavali dzieciam za aktyŭnaść i padkreślivali, što ŭłada prysłuchoŭvajecca da narodu, reahuje na ŭsie pytańni.
Sam «adkaz» ujaŭlaje saboj papku, na vokładcy jakoj raźmieščany nadpis «Mołodosť moja» i vyjavy značkoŭ «VŁKSM» i «BRSM». Unutry — rekłamny buklet z takoj samaj nazvaj, dysk ź videa «Žizń krasivuju prožiť», zbornik piesień «Mołodosť moja» i fotamazaika z takoj samaj nazvaj, karty abłaściej Biełarusi, a taksama sam «list ad prezidenta» — addrukavany drukarskim sposabam tekst na rasiejskaj movie, adnolkavy dla ŭsich,u jakim, u pryvatnaści, prezident dziakuje ŭdzielnikam akcyi za toje, što jany «nieraŭnadušna hladziać na toje, što adbyvajecca vakoł», zapeŭnivaje, što «pytańni ŭdzielnikaŭ akcyi nie zastanucca biez uvahi», žadaje «mocnaha zdaroŭja, pośpiechaŭ u vučobie» i zaklikaje: «Budź advažnym, stvaraj, imknisia da novych viaršyniaŭ!»
Słovam, tak i nie atrymali dzieci adkazaŭ na svaje pytańni, nie daviedalisia, jakimi byli dziciačyja ŭražańni Łukašenki, jak jon ujaŭlaje budučyniu i kali viernie nacyjanalny ściah…
Cikava taksama, jak adbiralisia tyja ź dziaciej, kamu ŭručaŭsia heta «adkaz»? U našym kłasie heta akazalisia pieršyja i apošnija pa kłasnym śpisie…
0
0
0
0
0
0
