Siońnia chavajuć zahinułych na «Pinskdrevie» 6

Haradskija ŭłady atrymali ad kiraŭnika administracyi vobłaści daručeńnie ŭziać na siabie arhanizacyju i apłatu žałobnych mierapryjemstvaŭ.

Tym časam administracyja zavodu ŭžo vydzieliła paciarpiełym ad pažaru na «Pinskdrevie» hrašovyja kampiensacyi. Siemji zahibłych atrymajuć pa 10 miljonaŭ rubloŭ, paciarpiełyja — pa try miljony. U arhanizacyi pachavańnia zahibłych z boku pradpryjemstva dapamahaje prafkam.

Siońnia, a 13-j pačnucca adpiavańni niabožčykaŭ, śviatar budzie naviedvać kvatery zahinułych.

Paśla pachavańniaŭ u restaracyi «Pinskaja šlachta» adbuducca paminki. Rodnyja zamovili 240 miescaŭ, paviedamili ŭ administracyi «Pinskdreva».

Tym časam na zavodzie ŭsio jašče pracujuć kamisii.

Mierkavanaj pryčynaj nadzvyčajnaha zdareńnia na drevaapracoŭčaj fabrycy ŭ Pinsku nazvany vybuch adkładaŭ draŭnianaha pyłu ŭ vyniku parušeńnia režymu ekspłuatacyi abstalavańnia pa vytvorčaści draŭniana-paliŭnych hranuł. U vyniku zahinuli try čałavieki, 12 rabočych znachodziacca ŭ špitalach Minska i Bresta, jašče šeść čałaviek — pad nahladam pinskich daktaroŭ.

Zaviedziena kryminalnaja sprava pavodle č.2 art.302 KK RB (parušeńnie praviłaŭ biaśpieki na vybuchovaniebiaśpiečnym pradpryjemstvie). Na miescy zdareńnia pracuje kamisija pa nadzvyčajnych situacyjach Pinskaha harvykankama, MNS i śledčaja hrupa prakuratury Bresckaj vobłaści. Žurnalistam pa-raniejšamu niama dostupu na terytoryju zavoda. Kiraŭnictva pradpryjemstva adznačaje, što kamisija nie puskaje da miesca avaryi navat supracoŭnikaŭ «Pinskdreva». Mierapryjemstvy, jakija pravodziacca kamisijami, značna pieraškadžajuć pracy zavoda.

Žychary horadu pa-raniejšamu ličać, što aficyjnaja statystyka značna zanižanaja. Šmat chto ćvierdzić, što na samoj spravie zahinuli vosiem čałaviek. Miascovaje telebačańnie praktyčna nie ahučvaje chod rasśledavańnia i abminaje temu pažaru. Na sajcie «Pinskdreva» infarmacyja pra avaryju nie abnaŭlajecca.

0

0

0

0

0

0

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH