zajaviŭ 5 kastryčnika žurnalistam ministr transpartu Rasii Ihar Lavicin paśla adkryćcia ŭ Minsku Biełaruskaha transpartna-łahistyčnaha forumu.
Jak raniej paviedamlałasia, 5 kastryčnika było padpisana pahadnieńnie, jakim likvidujecca transpartny kantrol na rasijska-biełaruskaj miažy i pieranosicca na źniešnija miežy Sajuznaj dziaržavy. U najbližejšyja dni buduć praviedzienyja nieabchodnyja pracedury, kab dakumient pačaŭ realna dziejničać.
Jak zajaviŭ Lavicin, paśla hetaha na biełaruska-rasijskaj miažy zachavajecca vybiralny kantrol, pieršym čynam, tych aŭtamabilaŭ, infarmacyja pra jakija budzie atrymanaja ad kalehaŭ sa źniešniaj miažy Biełarusi. «Heta mašyny, jakija iduć z parušeńniem. Kab ich nie trymać na miažy Biełarusi i Jeŭropy, my asobna ź imi budziem zajmacca na miažy z Rasijaj», — skazaŭ Lavicin. Heta dazvolić adaptoŭvacca da źniaćcia transpartnaha kantrolu na rasijska-biełaruskaj miažy pieravozčykam ź inšych krain. Razam z tym, jak spadziajecca rasijski ministr, ź ciaham času nieabchodnaść navat u vybiralnym kantroli budzie źniataja: pra novaje pahadnieńnie prainfarmujuć ministerstvy transpartu jeŭrapiejskich dziaržaŭ.
U svaju čarhu ministr transpartu i kamunikacyj Biełarusi Ivan Ščerba adznačyŭ, što na pieršym etapie pracy pahadnieńnia zachavajucca vybaračnyja pravierki aŭtamabilaŭ nie na miažy z Rasijaj, a na terytoryi Biełarusi.
Pavodle słoŭ ministra transpartu Rasii, likvidacyja transpartnaha kantrolu na rasijska-biełaruskaj miažy aznačaje źnižeńnie terminaŭ dastaŭki hruzaŭ i koštu ich pieravozki. Tak, płanujecca admianić šerah płatnych pasłuh, u tym liku pa supravadžeńni hruzaŭ. Ciapier raspracoŭvajucca miechanizmy strachavańnia hruzaŭ i strachavańnia adkaznaści pieravozčykaŭ. Z uviadzieńniem takich miechanizmaŭ źniknie nieabchodnaść u supravadžeńni i kantroli aŭtamabilaŭ, asnaščanych sistemami hłabalnaj navihacyi.
Jak paviedamiŭ Lavicin, pahadnieńnie, anałahičnaje padpisanamu ź Biełaruśsiu, Rasija płanuje padpisać i z Kazachstanam. «Heta daje nam mahčymaść ad zachodnich miežaŭ Jeŭropy da zachodnich miežaŭ Kitaja zrabić poŭnaściu svabodnym transpartny kalidor i łahistyku», — skazaŭ rasijski ministr.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
