U Minsku płanujecca stvaryć centr lohkaj pramysłovaści

paviedamiŭ na pres-kanfierencyi 5 kastryčnika hienieralny dyrektar abutkovaha AAT «Pramień» Mikałaj Stryž.

Centr płanujecca stvaryć na svabodnych ad vytvorčaści płoščach AAT «Pramień» (2,8 ha). Jak paviedamiŭ Stryž, abjaŭleny mižnarodny konkurs pa pošuku zamiežnaha inviestara dla realizacyi prajekta. U konkursie, mahčyma, buduć udzielničać i biełaruskija pradpryjemstvy.

U centry płanujecca stvaryć rynačna-ekspazicyjnuju placoŭku dla rehularnych pakazaŭ mod i praviadzieńnia vystaŭ-kirmašoŭ novych kalekcyj adzieńnia, abutku, skurhałantarei i da t.p.

Akramia hetaha, płanujecca stvaryć adukacyjny centr dla pavyšeńnia kvalifikacyi śpiecyjalistaŭ lohkaj pramysłovaści, maładziožny dyzajnierski centr z atelje pašyvu drobnych sieryj i show-room. «U nas jość taksama ideja stvaryć haściničny kompleks z podyumam dla praviadzieńnia tydniaŭ mody», — skazaŭ Stryž. Praduhledžvajecca budaŭnictva administracyjnaha budynka dla kancerna «Biellehpram».

Stryž adznačyŭ, što siońnia «asnoŭnaj prablemaj źjaŭlajecca atrymańnie zhody ŭład».

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH