«Naša Niva» paraŭnała ciapierašnija ceny ŭ zvyčajnaj minskaj praduktovaj kramie ź letašnimi. Pavodle aficyjnych padlikaŭ Biełstata, ceny na charčavańnie za hod padnialisia na 7%
Suśvietnyja ceny na miasa ŭźnialisia da rekordu. Za apošnija 20 hadoŭ miasa jašče nie kaštavała hetak doraha. Ceny na jaho ŭ žniŭni na 16% pieravysili letašni ŭzrovień. Rost vyklikany pavieličeńniem popytu na miasa ŭ krainach, što raźvivajucca, i panižeńniem jaho vytvorčaści ŭ dziaržavach-eksparciorach.
Pošta i telefon padaraželi. Z 1 vieraśnia Ministerstva ekanomiki źmianiła taryfy. Ceny na paštovuju suviaź pavyšany ŭ siarednim na 10%, na pasłuhi elektrasuviazi — na 7,1%. Abanienckaja płata za karystańnie telefonam pavialičycca na 500—600 rubloŭ. Padaražeje navat radyjokropka — z 600 da 800 rubloŭ.
Ministerstva sielskaj haspadarki choča padniać adpusknyja ceny na małako na 10%. Čynoŭniki spasyłajucca na rost suśvietnych cen. Ministerstva ekanomiki zhadziłasia na rost 2% u hetym miesiacy.
