Na hetym tydni až dźvie ŭstanovy — Halereja «Ŭ» i Akademija mastactvaŭ — admovili jamu ŭ pamiaškańni pad viečaryny.
Fota Julii Daraškievič.
Spačatku piśmieńniku admovili ŭ pamiaškańni dla prezientacyja jaho paetyčnaha zbornika «Kon» u minskaj halerei sučasnaha mastactva «Ŭ». Admovu patłumačyli tym, što ŭ ich na hetyja dni, 24-25 sakavika, zapłanavany inšyja mierapryjemstvy. Maŭlaŭ, źviazana heta z pryjezdam jeŭrapiejskich partnioraŭ. Prezientacyju piśmieńnik pravioŭ, ale ŭ inšym miescy.
28 sakavika ŭ zale Akademii mastactvaŭ płanavali pravieści litaraturnuju viečarynu, prymierkavanuju da viartańnia z konkursu «Jeŭrapiejski paet svabody» Uładzimira Arłova. Ale arhanizataram admovili ŭ pamiaškańni. Abhruntavali admovu tym, što ŭ hety dzień zała budzie zaniataja.
«Ja nie čuŭ sam, mnie tolki pierakazvali, što kali administracyja pahladzieła śpis udzielnikaŭ viečaryny i ŭbačyła tam proźvišča Niaklajeva, to admoviła ŭ zale»,
— kaža Uładzimir Niaklajeŭ.
Heta ŭžo nie pieršyja zabarony litaraturnych viečaryn, udzieł u jakich musiŭ brać Niaklajeŭ. 17 sakavika staličny Pałac mastactva admoviŭ u zale dla prezientacyi «Biełaruskaha knihazboru».