Sud u Ńju-Jorku admianiŭ prysud Charvi Vajnštejnu, jakoha abvinavačvali ŭ zhvałtavańni 1

Charvi Vajnštejn. Fota: Etienne Laurent/Pool Photo via AP

U rašeńni suda skazana, što raniejšy sud nad Vajnštejnam nie byŭ spraviadlivym, pakolki prakurory pryciahvali ŭ jakaści śviedak ludziej, pakazańni jakich nie mieli dačynieńnia da hetaha pracesu. Tamu, na dumku suda, u vyniku Vajnštejna sudzili na asnovie jaho papiarednich učynkaŭ, a nie vyklučna z punktu hledžańnia ździajśnieńnia złačynstvaŭ, u jakich jaho abvinavačvali padčas pracesu.

U suviazi z hetym sud u Ńju-Jorku pastanaviŭ pravieści pa spravie Vajnštejna novaje sudovaje raźbiralnictva.

Praces nad Vajnštejnam byŭ źviazany z seksualnym hvałtam: z 2017 hoda bolš za 80 žančyn abvinavacili jaho ŭ damahańniach, u tym liku aktrysy Ešli Džad, Hviniet Pełtrou, Salma Chajek, Andžalina Džoli i Uma Turman.

Vidavočcy raskazvali, što Vajnštejn čaplaŭsia da aktrys u hatelnych numarach na padstavie nibyta kastynhu. Mnohija ź ich zachoŭvali maŭčańnie pra heta, bo bajalisia stracić miesca ŭ kinaindustryi.

U 2020 hodzie Vajnštejna asudzili da 23 hadoŭ pazbaŭleńnia voli. Paśla ŭ chodzie novaha kryminalnaha pracesu ŭ Łos-Andželesie jon atrymaŭ jašče 16 hadoŭ turmy.

Dla samoha Vajnštejna pakul što ničoha nie źmienicca: praz prysud, vyniesieny ŭ Kalifornii, jon zastaniecca ŭ turmie da dalejšaha paviedamleńnia.

Čytajcie taksama:

Što charasmient, a što nie charasmient? Tłumačym 

«Jak vy źbirajeciesia fiksavać fakty damahańnia? Arhanizujecie družyny pa etycy?» Burnyja debaty pra zakon suprać charasmentu

Pieraasensavańnie mužnaści: što takoje być mužčynam siońnia?

1

7

2

2

1

4

Nashaniva.com