Kirył Barstok. Fota ź jahonaj staronki va «Ukantakcie» (archiŭnaja kopija)
Kali mierkavać pa sacsietkach, zatrymanamu Kiryłu Barstoku 29 hadoŭ. Jon u 2016-m skončyŭ Połacki dziaržaŭny ŭniviersitet i pajšoŭ pracavać na «Naftan». U apošni čas byŭ u 5-j bryhadzie, jakaja absłuhoŭvała «Junikrekinh» (ustanoŭka dla adnoj sa stadyjaŭ ačystki paliva).
Na zavodzie jon byŭ aktyŭny — vystupaŭ na konkursach i kancertach i byŭ čalcom Savieta moładzi pradpryjemstva. Na staronkach zavodskaj haziety jaho niekalki razoŭ nazyvali «talenavitym aktyvistam» i ŭsialak chvalili.
Jaho zatrymali bolš za tydzień tamu. 28 sakavika sudździa Zinaida Bałabołava sudziła jaho za «raspaŭsiud ekstremisckich materyjałaŭ» i «parušeńnie paradku praviadzieńnia masavych mierapryjemstvaŭ». Zhodna ź infarmacyjaj z kanała, źviazanaha z administracyjaj «Naftana», mužčynu prysudzili 25 sutak aryštu.
Toj ža kanał piša, što razhladajecca pytańnie pra zaviadzieńnie na Kiryła kryminalnaj spravy za niejkija kamientary. Taksama kanał piša, što jaho zvolniać.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
