Zatrymany Vital. Fota z telehram-kanała «Biełaruski siłavik»
Mužčynu kličuć Vital, jon ź Minskaha rajona.
Sa źviestak ź videa HUBAZiK vynikaje, što mužčyna ŭ 2023-m sprabavaŭ pierajści miažu z Ukrainaj, ale nie zdoleŭ. Paśla hetaha jon źviarnuŭsia ŭ «bot Budanava».
Tekst, jaki mužčyna byccam napisaŭ u «bot Budanava»
Paśla hetaha z «bota Budanava» jamu pryjšoŭ adkaz. Admietna, što na inšym kancy vykarystoŭvali jak biełaruskuju litaru «ŭ», hetak i nazyvali Biełaruś «Biełoruśsijaj».
Skrynšot z «bota Budanava» ź videa HUBAZiK
Mužčyna nibyta sam prapanavaŭ ździejśnić terakt u Biełarusi. Ale ŭ skrynšotach u videa HUBAZiK bačna, što Vital kaža, što kali i rabić dyviersii, to tak, kab nie paciarpieli mirnyja ludzi. A pierakonvaje rabić dyviersii akurat čałaviek z «bota Budanava». U dyjałohach, jakija prypisvajucca Vitalu — tolki hipatetyčnyja razvahi.
Skrynšot paviedamleńniaŭ, jaki prypisvajuć Vitalu
Mužčyna kaža, što paśla «truchanuŭ i vydaliŭ telehram i sam akaŭnt». Ale pieršy skrynšot u videa HUBAZiK padadzieny ad imia Vitala.
Heta moža značyć dźvie rečy: abo jany całkam fejkavyja, abo siłaviki mała taho, što byli na inšym kancy — u «bocie Budanava» (mahčyma, rasijskija), — dyk jašče i hubazikaŭcy ŭvajšli ŭ telehram-akaŭnt mužčyny.
Dalejšaja kamunikacyja vyhladaje jak ekspart dyjałohu z telehrama, što moža zrabić tolki toj, u kaho jość dostup da akaŭnta — abo adpraŭnika, abo atrymalnika.
Paviedamlajecca, što Vitala zatrymali, kali jon sa svajho ŭłasnaha telefona źviazaŭsia z ambasadaj Polščy i paviedamiŭ, što jamu terminova treba «evakuacyja, kab pajechać vajavać va Ukrainu». Anijakich dokazaŭ hetamu nie pryvodzicca.
Atrymlivajecca, što hubazikaŭcy viedali pra «terarysta», jaki žyvie pobač ź Minskam, ale ničoha ź im nie rabili.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
A bolšaść na čym harać? Na tym, što ŭ 2024-m nie vydalajuć kamientary i majuć mazhi pisać u fejkavyja boty. I paśla hetyja ludzi buduć pisać, što telehram niebiaśpiečny. Viadoma, niebiaśpiečny, kali ŭ vas adna iźvilina