Ciońniašniaja ataka na enierhasistemu Ukrainy — najbujniejšaja za ŭvieś čas vajny. Pra heta zajaviŭ kiraŭnik «Ukrenierha» Uładzimir Kudrycki.
Pavodle jaho słoŭ, udary nanosilisia pa ciepłavych i hidraelektrastancyjach, a taksama pa mahistralnych padstancyjach.
Kudrycki adznačyŭ, što paškodžańni enierhietyčnych abjektaŭ jość u šmatlikich rehijonach, najbolšy maštab paškodžańniaŭ — u Charkavie. Horad amal całkam zastaŭsia bieź śviatła.
Abmiežavańnie elektrazabieśpiačeńnia ŭviali ŭ roznych rehijonach Ukrainy.
Što tyčycca ataki na DniepraHES, to pakul niama nijakich ryzyk praryvu damby, status budzie kančatkova zrazumieły praź niekalki hadzin.
Uładzimir Zialenski zajaviŭ, što siońnia nočču Rasija zapuściła pa Ukrainie bolš za 90 rakiet i kala 60 bieśpiłotnikaŭ.
Čytajcie taksama:
Rasija druhuju noč zapar nanosić masiravany rakietny ŭdar pa Ukrainie
Na Zaparožskaj AES adklučyłasia adna ź dźviuch elektralinij, što siłkujuć stancyju
