Mahnitahorski harnizonny vajenny sud pryhavaryŭ mabilizavanaha staršaha siaržanta Alaksieja Afanaśjeva da 10 hadoŭ kałonii strohaha režymu pa spravie ab zabojstvie kapitana padčas ruchu na vajnu va Ukrainie, piša «Nastojaŝieje vriemia».
Afanaśjeva mabilizavali dla ŭdziełu ŭ vajnie va Ukrainie ŭ 2022 hodzie. Jak skazana ŭ pres-relizie suda, viečaram 23 śniežnia taho ž hoda, kali jon u składzie vajennaha ešałona jechaŭ na front, staršy siaržant napiŭsia i napaŭ na načalnika charčovaj słužby voinskaj čaści ŭ zvańni kapitana, bo byŭ niezadavoleny jaho pavodzinami.
Pry vyniasieńni prysudu Afanaśjevu, jak havorycca ŭ paviedamleńni pres-słužby, sud uličyŭ «hramadskuju niebiaśpieku ŭčynienych złačynstvaŭ» i pryznaŭ abciažarvalnaj akaličnaściu toje, što jano było ździejśniena ŭ pieryjad mabilizacyi padčas kamandziroŭki «dla ŭdziełu ŭ śpiecyjalnaj vajennaj apieracyi» (h.zn. u vajnie va Ukrainie).
Čytajcie taksama:
