Fota: bel.army
U štodzionnaj pracy minamioty vykarystoŭvajuć usie padraździaleńni Pałka. Adnak, jak i lubaja zbroja, minamioty majuć svoj termin dziejańnia.
«Praz vysokuju intensiŭnaść bajavych dziejańniaŭ my možam kazać pra toje, što isnuje peŭny deficyt minamiotaŭ. Znos stvałoŭ — hałoŭnaja prablema», — kažuć vajary.
Raspracoŭka vajskoŭcaŭ Pałka pavinna častkova vyrašyć hetuju prablemu: zakryć ułasnyja patreby i mienš zaležać ad pastavak zbroi.
«Nakolki mnie viadoma, takoha nichto nie robić. Była ŭziataja nastupnaja technałohija: stvoł zrabili «z nula» sa śpiecyjalnaha spłavu dla vajskovaj techniki; za asnovu byŭ uziaty čarciož češskaha minamiota; apornaja plita i inšyja detali byli ŭziatyja z savieckaha minamiota. Taki padychod dazvalaje za nievialiki čas i srodki vyrablać novyja minamioty z dalokaściu da 7 kiłamietraŭ», — prakamientavaŭ technałohiju minamiotčyk z pazyŭnym Zołtan.
Vyprabavańni zbroi prajšli paśpiachova.
U pres-słužbie pałka Kastusia Kalinoŭskaha ŭdakładnili, što ŭžo «stvorana pieršaja mini-sieryja minamiotaŭ. Masavaja vytvorčaść — heta ŭsio ž taki ŭzrovień zavoda, a bajcy žartam nazyvajuć svaju vytvorčaść «zbrojnym atelje».
Minamioty ŭłasnaj vytvorčaści daŭno vykarystoŭvajucca ŭ bajach i «pakazali siabie dobra».
Čytajcie taksama:
Błohier Jan Rudzik ustupiŭ u Połk Kalinoŭskaha
Na vajnie va Ukrainie zahinuŭ biełaruski dobraachvotnik Alaksandr Stasievič
Kamu z palitykaŭ najbolš daviarajuć kalinoŭcy? Zianonu Paźniaku
Kamandzir Pałka Kalinoŭskaha raskazaŭ, kolki ŭ im ciapier ludziej
